Takk Kolbeinn fyrir mjög merkilegar upplýsingar…

 …sem sjálfsagt eiga eftir að drukkna í kreppufréttum.  En í Fréttablaðinu í dag er þessi merkilega frétt á bls. 8. Ein spurning stendur þó eftir við þessa annars ágætu frétt: hvernig dagpeninga er hér verið að tala um? er kostnaður við gistingu til dæmis inni í þessum tölum?

Áþriðja tug milljóna í dagpeninga
Ríkisráð Íslands, ráðherrar og forseti, hafa fengið rúmlega 21 milljón í dagpeninga frá því að núverandi ríkisstjórn tók við og makarnir tvær miljónir.
stjórnsýsla Síðan núverandi ríkisstjórn tók við hafa ráðherrar þegið rúmlega 18,4 milljónir í dagpeninga.
stjórnsýsla Síðan núverandi ríkisstjórn tók við hafa ráðherrar þegið rúmlega 18,4 milljónir í dagpeninga. Upphæðirnar eru mismunandi eftir ráðherrum, en allir hafa þó þegið eitthvað. Fimm makar ráðherra hafa þegið dagpeninga, samtals ríflega tvær milljónir.

Nokkurn tíma tók að fá svar við fyrirspurn Fréttablaðsins um dagpeninga. Þess vegna hafa sumir ráðherra þegið meira fé en kemur fram hér, þeir hafa farið í ferðalög á meðan beðið var eftir svörum annarra.

Eðli málsins samkvæmt hefur utanríkisráðherra þegið mest. Síðan ríkisstjórnin tók við og fram til 15. september þáði Ingibjörg Sólrún Gísladóttir tæpar átta milljónir í dagpeninga. Ingibjörg fór í 32 ferðir. Maki ráðherra hefur enga dagpeninga þegið. Síðan þá hefur ráðherra í það minnsta farið til New York og væntanlega þegið dagpeninga fyrir það.

Nokkra athygli vekur að Þorgerður Katrín Gunnarsdóttir menntamálaráðherra hefur þegið tæplega 2,9 milljónir króna í dagpeninga. Maki hennar hefur aldrei fengið greidda dagpeninga. Þorgerður hefur fengið um milljón meira í dagpeninga en forsætisráðherra.

Dóms- og kirkjumálaráðuneytið hefur greitt tæplega 2,2 milljónir í dagpeninga fyrir Björn Bjarnason ráðherra og um 470 þúsund fyrir maka hans. Ráðuneytið er ekki stórt en málefni Schengen eru á þess könnu.

Í svari forsætisráðuneytisins frá 10. september kemur fram að Geir H. Haarde hafði þegið 1,9 milljónir í dagpeninga og maki hans 540 þúsund. Síðan þá hefur forsætisráðherra farið á allsherjarþing Sameinuðu þjóðanna.

Þórunn Sveinbjarnardóttir umhverfisráðherra hefur fengið lægsta fjárhæð greidda í dagpeninga, eða 527 þúsund. Tveir aðrir ráðherrar hafa þegið minna en milljón; Kristján Möller samgönguráðherra með 628 þúsund og Jóhanna Sigurðardóttir með 605 þúsund. Enginn maka þessara ráðherra hefur þegið dagpeninga. Aðrir ráðherrar hafa allir þegið yfir milljón krónur.

Forseti Íslands er hluti af ríkisráðinu. Frá því að núverandi ríkisstjórn tók við og fram í september á þessu ári hafa verið greiddar út tæpar 2,8 milljónir í dagpeninga til forsetans. Dorrit Moussaieff hefur aldrei þegið dagpeninga.

kolbeinn

Ath. leturbreytingar eru mínar

Hvað meinar maðurinn eiginlega?

“Aldrei hefir þjóðinni fremur en nú riðið á að eiga vitra menn og góða til þess, að verja lífi sínu og orku í þágu þjóðar sinnar.“

Jíbbí

“Geir Harde lokar á Nasdaq markaðinum í dag”

Skyldi hann annars tilkynna í leiðinni forlegt gjaldþrot íhalds og samfylkingar?

Góð spurning

“Formaður Ljósmæðrafélagsins sagði við það tækifæri að fróðlegt væri að vita hvað utanríkisráðherra þætti mátulegt að konur væru mörgum prósentum undir körlum í launum!”

Sagan og eyjan.is

Eitthvað fyrir sagnfræðinga til að hafa áhyggjur af:

“Dagskrárgerðarkonan vinsæla Oprah Winfrey hefur verið gagnrýnd í Bandaríkjunum fyrir að hafa verið snögg til að kynna bandarískum konum Barac Obama í þætti sínum, en hunsa Söruh Palin, fyrstu konuna í sögu Bandaríkjanna sem er útnefnd til varaforseta.“(eyjan.is)

Hvers á Geraldine Ferraro að gjalda?

Þýðing dagsins

‘Skyndiflóð’ á Englandi (mbl.is)

Hvers vegna ekki?

“Forseti Íslands er ekki viðstaddur ólympíumót fatlaðra né heldur Þorgerður Katrín Gunnarsdóttir menntamálaráðherra en Jóhanna Sigurðardóttir, félags- og tryggingamálaráðherra er heiðursgestur íslenska hópsins.”

úff

Fréttastofa ríkisútvarpsins - RUV- er að míga á sig yfir flokkþingi repúblikana í BNA og líkt og á halelúja samkomu demókrata sem haldin var um daginn, þá er fréttamaður gerður út af örkinni til að fylgjast. Sveinn Helgason ‘rakst’ á Henry Kissinger sem tjáði Sveini að hann og McCain hafi verið vinir í þrjátíu ár og hann viti að McCain yrði frábær forseti.

Jeminn! Hvað gat maðurinn annað sagt - að hann væri þess fullviss að McCain væri gamall skíthæll sem ætti ekkert erindi í Hvítahúsið?

Rebus: The Falls …

…með Ken Stott í kvöld kl. 19:30 á NRK1.

Dúsan?

Ólafur F. Magnússon, fyrrverandi borgarstjóri, sparaði ekki stóru orðin í garð Vilhjálms Þ. Vilhjálmssonar, forseta borgarstjórnar, á borgarstjórnarfundi í gær. “Það er ekkert að marka orð þín, borgarfulltrúi Vilhjálmur Þ. Vilhjálmsson. Ég bíð spenntur eftir því að sjá hvaða dúsu þú færð fyrir svik þín við mig.”

Kannsi er þetta ekki eins mikið út í hött og ætla mætti því í dv.is í dag má lesa:

“Nafn Vilhjálms heyrist nú æ oftar nefnt í tengslum við starf forstjóra Landsvirkjunar sem auglýst var laust til umsóknar um síðustu helgi.”