Svertla

Í síðustu viku fórust að minsta kosti tíu þúsund manns ( sú tala á eftir að hækka) í Bangladesh af völdum flóða sem komu í kjölfar fellibylsins Sidr. Ólíkt því þegar skógareldar geysuðu fyrir nokkrum vikum Californiu BNA og við sofnuðum út frá beinum lýsingum Björns Malmquist, Ólínu og Stefáns, heyrðist varla múkk hér á landi fyrstu dagana um Sidr og afleiðingar hans. Síðan tók við þetta vanalega í fréttarullunni; “mikið tjón”, “eyðilegging” og “óttast er..” Nú virðast hörmungarnar í Bagladesh afgreiddar ef undan er skilin einstaka fétt með tölulegum upplýsingum um fjölda látinna (sem heimamenn segja rúmlega tíu þúsund á meðan að vestrænar fréttastofur og stjórnvöld í Bangladesh tönglast á þrjúþúsund).

Sama hver tala látinna er - ástandið í landinu er skelfilegt. Stjórnvöld í Bangladesh hafa beiðið “alþjóðasamfélagið” um aðstoð og margar þjóðir hafa brugðist vel við. Af rausnarskap sínum ætlar íslenska ríkisstjórnin að gefa 3 miljónir íslenskar króna. Það gera um 10 krónur á hvert mannsbarn hér á landi. Áhugavert framlag í ljósi þess að Ísland slær nú mjög um sig innan “alþjóðasamfélagsins” með loforðum til hægri og vinstri um stuðning af ýmsu tagi - bara ef við fáum atkvæði viðkomandi í kosningunni um sæti í Öryggisráðinu.

Skyldi Bangladesh ekki hafa atkvæðisrétt?