854 milljónir svelta í heiminum í dag, 31. október 2006.
Það fólk sem myndar þessar 854 miljónir eru konur, karlar, börn, gamalmenni, mömmur, ömmur, feður, dætur, synir, ástmenn, frænkur, afar, langafar, eiginmenn, frændur, vinir, kunningjar, langömmur…..alls 854 milljónir.
Ég er afskaplega stolt af lítilli frænku minni, Ásu sem býr í Bretlandi og orti þetta ljóð í skólanum.
The Magic Box
I will put in the box,
the roar of a robin,
a puddle of purple pigs,
the smile of a silly snow leopard.
I will put in the box,a wiffy waffy wolverine,
a slippery, sliding sloth,
and a freaky four eyed fox.
My box is fashioned from the elements of crystal,
the front has got the ancient writing of Atlantis.
In the hinges I will put the wings of eagles,
on the lid there is footprints of demons.
I will travel on my box to Australia
and care for animals there
then come back when I am seventy-seven
I’ll be safe somewhere.
by Ása Guðmundsdóttir
Ingjaldsfíflið þótti dreifast ansi víða en hvað má þá segja um famelíen Schram sem tekist hefur að troða sér í hvern einasta fjölmiðil landsins undanfarna daga? Allt byrjaði þetta með útspili Jóns Baldvins um að hann væri í raun aðal höfuðpersónan í stóra hlerunarmálinu - allir vita jú að Jóni Baldvini leiðist að vera bara sendiherra á eftirlaunum uppi í Kjós og svo er að sjá sem sendiherran fyrrverandi óttist það helst að fá ekki að vera hluti af umfjöllunarelítu fjölmiðlanna. Og ekki mátti Bryndís vera minni manneskja - jú auðvitað var leynilöggan alltaf að hlera síma famelíunnar - nema hvað. Það er svo gasalega spennandi og nýstálegt það sem Schramarnir eru að gera og hugsa að auðvitað verður stóri bróðir að fylgjast með. Og svo kom Kolfinna, og svo kom Glúmur og svo kom Ellert - hvað er eiginlega mikið til af þessu?
En talandi um hlerunarmálið - finnst engum það skrýtið ef satt er að Össur, Magnús Skarp., Árni samfylkingarframbjóðandi og famelíen Schram skyldu aldrei segja neitt opinberlega um að það væri verið að hlera símann hjá þeim, fylgjast með þeim og njósna um? Sérstaklega í ljósi þess að margir vinstri menn hafa haldið því fram í mörg, mörg ár að slíkt hafi viðgengist? Hvar var kjaftaskúmurinn Össur þá? eða Magnús bróðir? já og athyglyssjúka fjölskyldan?
Með Fréttablaðinu í dag fylgir aukablað sem heitir Námsmaðurinn. Eins og nafnið gefur til kynna er það um námsmenn og sennilegast hefur því í upphafi verið ætlað að gefa innsýn í margbreytileika náms sem hægt er að stunda hér á landi og erlendis. Það sem einkum er þó athyglisvert við þetta blað er að þeir/þær sem hafa með val á efni í það að gera virðast álíta sem svo að aðeins karlmenn stundi nám. Sex pistlar eru í blaðinu þar sem rætt er við námsmenn og af þessum sex pistlum er aðeins EINN þar sem rætt er við tvær konur - saman. Annars er það hann Sveinn Rafn í viðskiptafræðinni í HR, hann Kolbeinn í lögfræðinni í HÍ, Steingrímur sem ákvað að fara í lögfræði í HR, Þórður Gunnar í hjúkruninni í HÍ og Þorsteinn í líffræðinni í HÍ. Já og svo er það litli menntaskólastrákurinn í MH sem ritstýrir skólablaði framhaldsskólanema. Stelpurnar sem fóru í trúðaskólann í Danmörku, þærRagnheiði og Sigríði fá svo að fljóta með í sameiginlegu viðtali eins og áður segir. Svona upp á lúkkið.
Og svo geta menn hneykslast á ummælum Lýðs Guðmundssonar stjórnarformanns Símans sem líkti því forna fyrirtæki við eitthundrað ára karlmann sem í krafti kyns síns getur leyft sér að halda upp á stórafmælið með fáklæddum konum og poppstjörnum (hann gleymdi að vísu að nefna glæpamanninn Giuliani líka en nærvera hans í þessu einstaka hundraðára partíi kom af stað meðal hysteríu hjá fréttamönnum og borgarfulltrúum).
Er nema von að miðaldra menn geti leyft sér að segja svona þegar að “víðlesnasta” blað landsins leyfir sér slíkan “grímulausan” kynjamismun, í blaði sem ætlað er ungu fólki?
