Ganga í kvöld kl. 20.oo

Ganga í kvöld með Ómari kl. 20:00 frá Hlemmi niður Laugaveg. Allar afsakanir um fjarveru verða fundnar léttvægar.

Ekki hata leikmanninn heldur taktu á honum!

Plúsinn sendir aulum eins og mér - sem einu sinni létu glepjast til að skrá sig á einhvern fokking póstlista hjá þeim og nenna svo ekki að afskrá sig þó það sé lögnu tímabært - póst um kvikmyndina John Tucker Must Die - sem er einhver highschool - vella frá Hollywodd. Það er svo sem allt í lagi ef væri ekki fyrir afar sérkennilega setningu sem búið er að þrykkja á bak stúlkukindarinnar sem notuð er sem auglýsingaspjald fyrir þetta listaverk. Þar stendur: EKKI HATA LEIKMANNI HELDUR TAKTU Á HONUM. Á engilsaxnesku plakati myndarinnar stendur hins vegar: DON´T GET MAD-GET EVEN.
Hvað er eiginlega í gangi?

Að ljúga

Forsætisráðherra Ungverjalands laug í kosningabaráttunni sem fram fór í vor - það hefur hann viðurkennt. Ungverjar láta ekki ljúga að sér og því fóru þeir og kveiktu í sjónvarpshúsinu í Budapest í gærkvöldi. Hvað skyldu annars mörg mannvirki standa í henni Reykjavík ef landinn hefði sama lygaþröskuld og Ungverjar?

Eitthvað til að hlakka til

Rebus á RUV annað kvöld.

Supernovur

Undanfarnar nætur hafa meðlimir fjölskyldunnar vaknað við ómfagrar serenöður sem komið hafa úr látúnsbörkum ungra og ástsjúkra högna í kerfinu. Á meðan á iðju þeirra stendur planta þeir sér ýmist fyrir framan litlu dyrnar hennar Ingibjargar eða við stofugluggann. Svo rembast þessir litlu búkar við að syngja sem hæst og með sem nýstálegustum hætti svo heimasætan verði nú örugglega vör við þá. Minna dálítið á atganginn í Supernova - nema hvað ég held að kattarbreimið sé ívið skárra. Alla vega er það mun heiðarlegra. Fjölskyldunni er ekki skemmt á meðan á þessu stendur og heimasætan virðist eitthvað misskilja tilgang söngsins því hún bara vill ólm slást við fýrana. Vaskastur þeirra er ungur og bara nokkuð stæðilegur grábröndóttur högni sem virðist vera alvarlega skotinn í Ingibjörgu - svo alvarlega að hann er tilbúinn að takast á við sér töluvert stærri og sterkari dýr - eins og mig- til að komast yfir ástina sína.

Sem betur fer lýkur þessum Supernovþætti líka senn.