Í dag er Valborgarmessa og mikið um að vera í Svíaríki eins og alltaf á þessum degi; blysfarir, söngur og brennur. En í dag er þó aðeins meira umstang - alla vega í höllinni í Stokkhólmi enda 60 ár síðan þessi drengur fæddist
Carl XVI Gustaf
Carl Gustaf er ekki mikill ræðumaður en þeim mun betri í að skála- fyrir hinu og þessu enda mun nauðsynlegra fyrir kóng að kunna að skála við þegna sína en að halda tölu yfir þeim.
Skål!
Mikið óskaplega verður gaman þegar Framsóknarflokkurinn verður endanlega útdauður! Er eitthvað ömurlegra en að horfa upp á Alfreð Þorsteinsson, með glott á vör, spreða skattpeningum okkar Reykjvíkinga í kolrugluð gæluverkefni sem engum nema framsóknarmönnum dettur í hug að koma á fót og framkvæma? Svo ég tali nú ekki um kosninga auglýsingarnar frá peninamaskínu framsóknarveldisins þar sem Björn Ingi fær að leika lausum hala og bulla út í eitt - um mikilvægi fjölskyldunnar, um göng hingað og þangað - aðallega þangað og guð má vita hvað! Svo er melurinn svo sminkaður og smurður að hann líkist einna helst Tutankamon sjálfum. Eigum við að kjósa svona mann?
Tek undir með Kolbeini - legg til að Framsókn verði lög af - í það minnsta send út í Löngusker!
Litla reiða konan í Guildford er voða, voða reið í dag yfir einni svona a-matter-of-fact heimskugrein sem birtist í því virðulega dagblaði Mbl. TIl að forða sálarheill hennar frá endanlegri tortímingu bendi ég henni á að lesa ekki þetta: Fertility sparks ‘male rivalry’ (http://news.bbc.co.uk/1/hi/health/4941950.stm) og alls ekki þetta: Dirty dancing (http://news.bbc.co.uk/1/hi/magazine/4939752.stm). Báðar þessar fræðigreinar er að finna á vef BBC í dag og satt að segja held ég að ritstjórinn/arnir hljóti að hafa fengið sér í aðra tána áður en en þeir hleyptu þessum ósköpum inn á síðuna. Nema þetta sé að ganga í fjölmiðlaheiminum.
Framsóknarflokkinn burt úr borginni - Framsóknarflokkinn á Löngusker! Tryggjum svo að engar - segi og skrifa engar- samgöngur við þau skítasker!
Það hefur vonandi ekki farið framhjá neinum sem barið hefur augum upphafssíðu Háskóla Íslands - hi.is - að allar þær miklu framfarir sem þar standa fyrir dyrum eru í boðið Björgólfs og félaga í holding-group-ltd. Í staðinn fær gamli maðurinn birtar myndir af sé eins og þá sem verið hefur á upphafssíðunni um nokkurt skeið. Bónusinn fyrir hann var svo að fá að nudda vinstra lærið á menntamálaráðherranum í nokkrar mínútur um borð í mokstursvélinni sem virkaði eins framlenging á manndómi þessa stórtæka eiganda Íslands.
Eitthvað virðist þó skipulagningin á þessari táknrænu athöfn hafa farið úr böndunum því rektor virtist vera fjarri góðu gamni um borð í gröfunni góðu. Það sér það hver heilvita maður að framkvæmdin hefði orðið mun virðulegri og ég tala nú ekki um áhrifameiri ef Björgólfur hefði fengið tvö læri til að nudda; til hægri og vinstri.
Og nú er öðlingurinn aftur kominn á stjá og í dag, sumardaginn fyrsta, er það sumarið sem hann færir okkur í nafni eins af litlu fyrirtækjunum sínum. Og ég verð nú að segja að það gladdi mína gömlu sál að sjá að gamli refurinn hefur uppgötvað ótvíræða fyrirsætuhæfileika íslenskra veðurfræðinga. Gott til þess að vita að veðurspáin hvílir í traustum höndum gjafmilds manns. Fyrir bragðið hljótum við að fagna sumri glaðari og sælli í bragði.
Þessi færsla var í boði KB-banka sem geymir áttatíuþúsund kallinn sem Háskóli Íslands borgar stundakennurum sínum fyrir námskeiðshald - gleðilegt sumar!
Andri Snær Magnason var með fyrirlestur um Draumalandið í Odda í hádeginu. Andri Snær fyllti stofu 101 sem er nokkuð vel af sér vikið sé það borið saman við fyrirlestra margra „frægari“ manna á þeim stað. Meirihluti áheyrenda samanstóð af stúdentum - sem er nýlunda á hádegisfyrirlestrum í HÍ (nema auglýstar séu létta veitingar að fyrirlestrinum loknum nú eða mæting á hann er liður í einhverju námskeiðinu) - einnig mátti sjá nokkur utanaðkomandi feis; það er frá samfélaginu handan við akademíuna. Það sem vantaði þó var „the usual“ akademíska elíta sem oftast mætir til að rökræða á vitrænum nótum (les: heldur tölu um sjálfa sig en gleymir yfirhöfuð spurningunni til fyrirlesarans). Það var ákveðin tilbreyting að vera laus við slíkt í dag. Þeir akademikerar sem mættir voru í dag, höfðu hægt um sig og þögðu enda tungutak Andra afar alþýðlegt og laust við fræðilegar skýrskotanir.
Burtséð frá inntaki erindi Andra var afar hressandi að heyra fyrirlesara á þessum stað vera órhæddan við að tjá sig tæpitungulaust og nota til þess orð og orðasambönd sem alla jafnan heyrast ekki í Odda 101. - Meira af þessu takk!
Hvet alla til að kaupa Draumalandið áður en álrisarnir verða búnir að láta farga því.
