Slysamýri

Dagur B. og félagar í R-listanum hefur fundið nýjan stað fyrir bensínstöðina sem nú stendur á Geirsgötunni en hún mun þurfa að víkja fyrir fyrirhuguðu tónlistarhúsi á hafnarbakkanum. Og hvert skyldi Dagur nú ætla með stöðina? Jú - henni hefur verið “fundinn staður” í Vatnsmýrinni!!!! Enn ein rós í mjög svo vítt mistakahnappagat skipulagsnefndar meirihlutans í borginni.

Svei mér ef maður kýs ekki íhaldið í vor.

P.S. Skyldi Degi ekki hafa dottið í hug að setja helv..stöðina bara niður í Hljómskálagarðinn finnst ekkert verður af kaffihúsahugmynd hans?

Júróvísión lag…

Enn á ný er Júrókvöld. Og enn standa þessir vesalings kynnar eins og tvær trédúkkur sem hlekkjaðar hafa verið saman og rembast - eins og sjá má á kinnum konunnar og sveittu andliti drengsins. Hvernig er það annars - eru engin skilyrði um að fólkið sem syngur þessi vein þurfi að geta haldið lagi?

Framsóknarmey

Einhverjum framsóknarspekingnum í Skagafirði er nóg boðið og kallar Kidda sleggju fyrir komma sem hagi sér eins og hann sé María mey. Slíkt og þvílíkt fer víst ekki saman að mati framsóknarmannsin (stendur sennilega ekki í búnaðarbálki þess flokks) og því á Kiddi að taka pokann sinn og hunskast í réttan flokk. Jamm það var nú það - og ég sem hef alltaf staðið í þeirri meiningu að María mey hafi einmitt verið kommi! - Skyldi maðurinn annars halda að hún hafi verið gildur limur í félagi framsóknarkvenna?

Guði sé lof!

“Íhaldið vill selja Rás 2″

Risastórir

Svennis - Sven-Göran Eriksson - fær tæpar 500 miljónir í “rekstrarbætur”. Sven-Göran er búinn að vera yfir enska landsliðinu síða 2001 - sem sagt í fimm ár. Ragnhildur Geirsdótir sem var forstjóri hjá FL Group í fimm mánuði fékk 130 miljónir í samskonar “rekstrarbætur”.

Við erum svo ótrúlega stór - eða alla vega sumir okkar.

Framsóknarrölt

Skirfstofa Samskipa heillar: „Þar röltum við um glæsileg húsakynni sem eru glæný.“ - Brundrottningin Dagný Jóns greinilega orðin þreytt - skylid hún svo hafa „skellt“ sér í partýið hjá Birni Inga? og heillast af framtakssemi fjölskyldugoðsins, hugkvæmni hans og áræði við að ná sér í atkvæði hjá yngstu kynslóðinni? Kannski hún hafi farið á foreldrarölt með goðinu?

Fáránlegasti þáttur ever er í loftinu núna - júróvísjón lumman frá RÚV. Ekki er nóg með að þetta sé algjör kópía af samskonar þáttum hjá Dönum, Norðmönnum og Svíum heldur er hrein hörmung að horfa upp á þetta vesalings par sem er að kynna (að ég tali nú ekki um að hlusta á þau!). Konukindin er eins og hún hafi dottið á nefið niður í maskaradós og drengurinn við hlið hennar er í hátt eins og hann haldi að hann þurfi að gefa sig út fyrir að vera a.m.k. sextur kynnir á einhverri ungmennafélagssamkundu úti á landi fyrir margt löngu. - Lögin eru hryllingur!

Á hverju voru dómararnir þegar þeir völdu þessi ósköp? Og hvers eiga Himmi og Ölli að gjalda? að lúta í lægra haldi fyrir þessu sulli?

Fulla/Pulla?

Nú er brúðan Fulla komin á markaðinn í Mið Austurlöndum - þá er bara að bíða eftir að Pulla verði sett á markaðinn hér.

“Trukkarnir okkar”

“Strákarnir okkar” eru að spila - handbolta - við “Frakkana” einhvers staðar í einhverju illa lyktandi íþróttahúsi og í tilefni þess er dagskrá ríkismyndmiðilsins rofin svo alþjóð geti nú setið í sófanum og gónt á “kappana” og tekið andköf af stolti og ánægju með “stákana”. “Þessa trukka” eins og Adolf Ingi segir gjarnan í ólýsanlegum aðdáunartón um hand-og fótboltadrengina. Í hléi /hálfleik var svo viðtal við “gömlu kempurnar” - “gömlu hetjurnar” - “kappana” sem gerðu garðinn frægan hér áður fyrr, það er Kristján Arason, Atla Hilmarsson og einhvern dreng sem ég kann engin skil á. Ekki var aðdáun fréttamannsins minni á þeim. - Hvenær verður tekin upp sérstök íþróttarás hjá RÚV þar sem litlu íþróttafréttamennirnir geta leikið lausum hala með stóru stjörnunum sínum, eins mikið og þá lystir án þess að við sem höfum ekki áhuga á Kristjáni Ara og félögum og sporgöngumönnum þeirra, þurfum að líða fyrir það. Við eigum alveg jafn mikinn rétt á sjónvarpsefni og hand-og fótboltanördar þessa lands!