Fréttastofa NFS fór á kostum í viðtalinu við Hring - skyldu þeir leyfa sér að spila Joe Cooker eða einhvern gamlan og útbrunninn hippa/hasshaus undir viðtali við…segjum Bolla í Sautján eða Guðmund Andra? svo ekki sé nú talað um Megas? Og þar að auki svo hátt að enginn leið er að greina orðaskil. Hvers vegna er þetta fólk ekki inni í Laugarnesi að búa til listræn myndbönd með þjóðfélagslegri skírskotun? Goddur tekur örugglega á móti svona flinku fólki.
Ég er enginn sérstakur konungsfjölskyldufan en sé það rétt hjá Times-online í dag að einn af prinsunum hennar Betu hafi hætt í herþjónustunni vegna þess að “being ordered to strip naked and walk through an icy river on Dartmoor with fellow recruits was, apparently, all in a days work for the young Prince who went on to pursue a television career” - þá er hann ekki eins vitlaus og ég hélt. Það verður þó að hafa það í huga að venjulegur Tom, Dick eða Harry getur ekki bara hætt í herþjónustu af því hann meika ekki móralinn og æfingarnar- alla vega ekki í landi Betu.
Times lýsir þeim prófum sem menn verða að standast til að vera “menn með mönnum:
“One test is a nine-mile speed march in 90 minutes carrying 22lb of equipment. Another involves a 30-mile march carrying 32lb with an eight-hour time limit”
Helmingur þeirra sem taka þátt í þessum ósköpum hættir áður en 30 vikna námskeiðinu lýkur segir Times. Þar sem móttóið er “A Healthy Mind In A Healthy Body” er það dálítið neyðarlegt fyrir Betuson að hafa ekki klárað. Kannski lifandi sönnun um útþynningu bláa blóðsins og allt það? Kannski það en mér finnst hann bra flottur.
Alla vega er það nokkuð ljóst að þessir sem duga - það er drepast ekki úr hræðslu, leiðindum eða eru með aðalsskírteini upp á vasann- eru þeir sem fá/verða að taka þátt í striplingaleikunum þar sem fullorðnir karlmenn, alsberir á typpinu með gúmmí eða frauðplasthlífar á handleggjunum, hlaupa um eins og hænur sem nýbúið er að höggva hausinn af - lemjandi hvorn annan. Allt í nafni karlmennskunnar. Og til að koma í veg fyrir að menn geri sér upp höfuðhögg og heilahristing þá eru nokkrir ráðnir í það að lemja þetta alsbera lið og sparka svo það sé nú örugglega á hreinu að enginn sé að feika það.
Er nema von þó að sjálfsmorðstíðni ungra breskra hermanna undir tvítugu sé mun hærri en annarra ungra karlmanna?
Jólaföndrið að Rauðarárstíg 11 í gær var flott - kökurnar, jólaölið og poppönd sem fór á kostum - allt átti þetta sinn þátt í að framleiðnin var ótrúleg og hugmyndaflugið fór á kostum. Flottustu kortin í ár koma úr þessum pakka. - Varist eftirlíkingar!
Ýmislegt skrýtið gerist á þessari bloggsíðu sem rekja má beint til heimsókna ákveðinnar persónu hingað heim til mín. Þessi umrædda persóna á það til að “fokka” upp skiplögðu kerfunum mínum (sem hún sjálf hefur komið á fyrir mig) svo eftir stend ég ráðvillt, pirruð og með tölvuuhverfi sem fer sínar eigin leiðir og vill ekkert með mig hafa. Þá rýk ég í símann eða á MSNið og pönkast þar til ég næ sambandi við viðkomandi skemmdarvarg (sem er álíka auðvelt og að fá viðtal við einhvern hjá Þjónustudeild Símans!). En alla vega - skrýtnar færslu og eip skrifast á reikning þess sem vaskar upp eins og vindurinn!
Siðleysi Framsóknarflokksins eru engin takmörk sett! Hvenær ætlar þetta lið sem hangir eins og hundur á roði í þessari flokksleysu að sjá í gegnum þetta allt saman og hætta að gefa þeim atkvæðið sitt? Hvað skyldi sá dagur heita?
Systurnar Austfjörð fóru með frænku sína í Smáralindina í gær. Sem er kannski ekki í frásögur færandi nema fyrir það að frænkan hefur aldrei komið þangað áður - var búin að strengja þess heit að stíga aldrei fæti inn þetta hús fávisku og græðgi. En enn ný sannaðist að enginn kemst með tærnar þar sem Austfjörð systur hafa hælana (og þá einkum Día Aust) þegar sannfæringarkraftur er annars vegar. - Litla hersingin fór nú ekki víða, enda nóg að taka þetta allt inn í smá skömmtum; skoða efnislítil klæði í Debenhams og enn minni í Zöru og fá sér svo kaffi í litlu holunni þar sem aðdáendur Baugsveldisins geta hort yfir til Debenhams, maulandi á heilsukökum og sötrandi kaffi. Mér skilst að frænkan hafi ekki látið blekkjast og þótt fátt um enda staðföst kona. Ef hefði ekki verið fyrir félagsskapinn hefði þetta ekki verið ómaksins vert.
Og Edduverðlaunin í ár fyrir besta handrit og leik í skemmtiþætti fær……Birna Smith!!! En Birna á nú stórleik í Kastlósi RÚV - Birna er gædd þeim kostum að geta talað við stofnfrumur sínar á hverjum degi auk þess sem hún er ekki venjulgur maður að eigin sögn; hún er farvegur fyrir orku alheimsins. - Silvía Nótt hvað!!
Brandari dagsins er í boði mbl.is og Vísindamanna sem birta niðurstður rannsóknarsinnar í Proceedings of the National Academy of Sciences
Það kom vísindamönnunum á óvart að konur virðast bregðast röklegar er karlar við bröndurum og búast síður við því að brandarar séu fyndnir. Þótt kynin noti sömu heilastöðvar til að skilja húmor eru karlar ekki eins kröfuharðir og konur og virðast fremur líklegir til að reikna með því að brandarar séu fyndnir.
