Þá er hin árlega slátur-töku-vambasaumur-samfylkingar-vinskaps-frétt afstaðin í Fréttablaðinu. þát geta allir farið að hlakka til næsta árs fréttar. Kannski verða ekki öll dýrin í sláturskóginum svona miklir vinir þá. Maður má nú alltaf vona.
Mér til mikillar gleði uppgötvaði ég áðan að ég hef erft nokkra af þeim eiginleikum sem einkenna þær Austfjörð systur og þó einkum Díu Aust og er það vel. Enda allar komnar af Sögu Gvendi (les: lyga-Gvendur) sem var afbragð annarra manna. Einn af þeim eiginleikum sem við Austfjörð systur búum yfir (Día og ég), og erum mjög stoltar af, er að við erum mjög duglegar að stjórna fólki í kringum okkur og þá sérstaklega þeim sem standa okkur næst. Um þetta geta synir mínir og tengdadóttir vottað. Og mamma gamla líka. Og ég er ekki frá því að Hrefna finni fyrir þessu annað slagið - eða hvað? En lífið er nú einu sinni þannig að einhver verður að taka ábyrgð á því og plana og skipuleggja fyrir þá sem ekki hafa genin hans Gvendar.
Af Sögu Gvendi er annars komið hið merkasta fólk (eins og ég, Día, Ása, Þórdís og helmingurinn af Tony Blair erum gott vitni um). Að vísu er svolítið um lasaróna og svoleiðis fólk innanum og samanvið í einni kvíslinni en- so what? það geta ekki allir verið fullkomnir.- Eiginlega eru við bara flott/ar.
Svandís Svavarsdóttir -VG- segir flokkinn vera umhverfisflokk sem standi vörð um umhverfið í þéttbýlinu. VG er nefnilega umhverfisflokkur. Hvar í ósköpunum voru þessir umhverfisverðir þegar að ákveðið var að nauðga Vatnsmýrinni í bak og fyrir með? Eða er erða réttara sagt var hún ekki nógu náttúrulegt umhverfi til að hljóta náð fyrir augum umhverfissinna VG?
Sumir ættarlimir kaninku velta sér upp úr kaffi á meðan aðrir afbyggja tölvupósta eða ljá orðinu já ákveðna mystík. Þar sem skáldleg hugsun með dulúðugu ívafi vefst gjarnan fyrir mér ætla ég að beina athygli minni að orðinu kvennafrí, enda ekkert dulúðugt og framandi við það.
Næstkomandi mánudag eru nefnilega 30 ár síðan að konur lögðu niður vinnu, ekki bara þessa sem við innum af hendi fyrir einhvern ákveðinn vinnuveitanda heldur einnig þá vinnu sem aldrei er talin launaverð, og söfnuðust saman á Lækjartorgi til að vekja athygli á misjafnri stöðu kynjanna, körlum í hag á nær alla lund. Einhverra hluta vegna fékk þessi gjörningur heitið kvennafrí og ætíð síðan þá hefur verið vísað til hans sem dagsins þegar konur tóku sér frí frá pottum og pönnum (að vísu tóku margar konur þessa ágætu gripi með sér á fundinn á Lækjartorgi), körlum og börnum og skunduðu á fund betri tíma með blóm í haga (héldum við þá). Þetta orð, kvennafrí, hefur þannig verið nokkurs konar holdgervingur þessa fundar.
Og nú, þrjátíu árum síðar, á að endurtaka leikinn, skunda á Lækjartorg og hafa hátt þar sem það blasir við að andskotans ekki neitt hefur áunnist í baráttunni fyrir jafnrétti kynjanna. - Það er gott að konur skuli nú loksins vera að vakna af þrjátíuára biðsvefi og horfast í augu við raunveruleikann. Það sem er hins vegar ekki gott við fyrirhugaðan gjörning er að enn er talað um frí- kvennafrí. Í þetta sinn má segja að gjörningurinn sé raunverulegt frí í orðsins fyllstu merkingu þar sem - ef marka má umræðuna og umsagnir ýmissa þeirra sem að þessum atburði standa þetta er allt saman gert í svooo góðri samvinnu við atvinnurekendur og yfirmenn sem eru svo skelfilega gúddíi og næs og hafa svo góðan skilning á lélegri stöðu þeirra kvenna sem vinna hjá þeim, launalega séð. Þess vegna gefa þeir okkur frí kvennafrí. Sjá menn virkilega ekki íroníuna í þessu öllu?
Misréttið sem konur mótmæltu fyrir þrjátíu árum með því að leggja niður vinnu (sama hvaða nafni hún nefnist) er enn við lýði í dag og engu þýðingarminna að berjast gegn því nú heldur en var þá. Munurinn er hins vegar sá að næstkomandi mánudag eru þeir sem hafa valdið til að afnema þetta misrétti og mótmælin beinast gegn orðnir þátttakendur í undirbúningi og í raun framkvæmd fyrirhugaðs gjörnings á Lækjartorgi. Hvenær ætlum við að læra stelpur?
Frábær bein útsending á stöð 2 frá Laugardalshöll og Egill í essinu sínu - Davíð að kveðja og við sem heima sitjum grátum fögrum tárum því nú mun örugglega allt fara til - ef ekki helvítis þá til Samfylkingafíflanna. Er ekki einhver afdankaður einræðisherra á lausu sem getur bjargað því sem bjargað verður? Því framtíð þessa flokks er ekki björguleg - Þorgerður Katrín eða Kristján Júl?
Svo var þessi sögukennsla Davíðs náttúrulega alveg frábær og undirstrikar föðurlega ímynd hans enn frekar - flokkurinn er ekki aðeins að missa formann - lýðurinn er líka að missa alvitran uppfræðara. Það er bót í máli að hin eldklári, staðfasti og fylginnsér Kristján Júl er að halda innreið sína sjálfstæðisskeiðvöllinn. Hann klárar víst öll dæmi sem hann fæst við svo nú má flugvöllinn-burt-úr-Vatnsmýrinni liðið vara sig. Kristján nennir nefnilega ekki að taka rútuna frá Keflavík inn á Alþingi.
Framsóknarbandið sem verður í Íslandíbítið í fyrramálið er náttúrulega algjör snilld - félagsmálaráðherrann fer á kostum í kynþokka. Leifarnar af Tony Blair fölna all ískyggilega við samanburð á þessum tveimur böndum. Því þarna er náttúrulega komið fram hið eina sanna Júróvísíón band. Við hljótum að vinna núna!
Þrælgott framtak þýskustúdenta í HÍ að bjóða upp á Októberfest með ljúfum veigum og tónlist sem verður bara betri og betri með hverri kollunni.
Hvers vegna í ósköpunum er enginn pöbb á háskólalóðinni? (tel Stúdentakjallarann ekki með enda á sá staður í skelfilegri sjálfssköpunar-og skilnings krísu). Væri ekki tilvalið að hafa almennilega ölstofu í gamla jarðfræðihúsinu sem nú er verið að gera upp? Og kannski væri hægt að koma þar fyrir svo sem eins og einu mötuneyti fyrir starfsfólk og stúdenta sem seldi mat það er annað en kleinur og pasta. Ég er viss um að bæði andlegt og líkamlegt atgervi háskólafólks tæki umtalsverðan kipp til hins betra.
Systurnar Austfjörð eru lagðar af stað til London og þaðan er ferðinni heitið til Guildford þar sem verður sko ekki lagst upp í fína IKEA sófan í litlu íbúðinni við ána til að leysa svo sem eins og eina ráð/morðgátu. Ó nei - það verður gert á milli innkaupatúra í stórverslanir Guildford, á krám og tehúsum bæjarins. - Mig langar með!
Tvær handfærarúllur á hvert mannsbarn og fjöldamorð á kanínum í Eyjum!
Mig langar á þing.
Baráttumál mín þar yrðu meðal annars:
Lögbanna á flokka sem leggja svona nokkuð til á Alþingi - og það í alvöru.
Að framsóknarflokkurinn verði hjálpað til að leggja endanlega upp laupana - finnst hann getur það ekki sjálfur.
Að að fullorðnum afkvæmum verði gert skylt að vera kurteis og hjálpsöm við foreldra sína.