Stóra IKEA málið - taka II

Eins og alþjóð(ir) vita (líka Stína og Þórdís) þá er hefur slagorð IKEA gegnum tíðina verið: Billigt och bra! en ekki: AUÐVELT OG EINFALT!

Hver sagði líka að litla lífið ætti að vera ein stór Pollyönnuganga með bros á vör og blóm í haga (og auðveldar lausnir á öllu)? Eigum við ekki einmitt að feta þrönga og mjóa malarstíginn (gott ef þar er ekki bara eintómt grjót og volæði ásamt þyrnum ef ég man rétt mína trúaruppfræðslu) ? Gott að hafa þetta bakvið eyrað næst þegar haldið er á vit ævintýranna í IKEA, þangað liggur nefnilega beinn og breiður vegur en fyrr en varir er maður kominn í land hinna grýttu stíga þar sem skrúfurnar fylgja ekki með í pakkanum, leiðarvísirinn er óskiljanlegur og helvítis draslið fúnkar engan veginn né tollir saman. Þá er um að gera að bíta bara á jaxlinn (ef það er þá ekki búið að rífa hann úr manni) og brosa gegnum reiðimistrið. Og kannski nýta orkuna í að upphugsa nýtt slagorð fyrir hr. Ingvar Kamp og kó. Sem fúnkar.

Fréttir, fréttir, fréttir.

Frábært - frábært. Loksins almennilegur fréttatími án afneitunaryfirlýsinga frá aðilum stóra tölvupóstmálsins. Gaman að heyra í sérfræðingum á borð við „rissérfræðinginn“ Einar Odd og „jarðvegsfræðinginn“ Sturlu Bö. Meira af þessu strákar!

IKEA

Til þeirra sem málið varðar
Nú í kvöld er svokallaður tematirsdag á DR 2 (danska ríkissjónvarpið - rás 2). Til mikillar gleði fyrir þá sem ELSKA IKEA er stöðug umfjöllun á þessari rás í allt kvöld sem tengist IKEA á ýmsan hátt. Meðal annars er viðtal við hr. IKEA sjálfan, Ingvar Kamp. Hvet alla til að horfa, sérstaklega þá sem þátt tóku í stóra skrúfumálinu gegn IKEA, og stóra kommóðumálinu og stóra skápamálinu og stóra…….

Adjö

Ég vil óska okkur öllum til hamingju með að vera laus við Davíð Oddsson úr pólitískri umræðu og vona að gebissið hans komi að gagni í musteri blýantsnagaranna. Nú er bara stóra spurningin hvenær losnum við við Halldór? og hvert er eiginlega hægt að senda hann? Sendiherrastaða í Novosibrisk?

Kjarkur og þor

Steinunn Valdís óttast ekki íhaldið í borginni, Ingibjörg Sólrún óttast ekki lögguna og Jónína Ben óttast ekki karlmenn!

23. september

Afmælisbarn dagsins er Himmi sem ber aldurinn vel!

Ja må han leva. Ja må han leva.
Ja må han leva uti hundrade år.
Ja, visst ska han leva. Ja, visst ska han leva.
Ja, visst ska han leva uti hundrade år.

Afríka

Tinni í Afríku - Sirrý í Afríku (eða kannski Sirrý í grásleppuskúrunum á Ægissíðunni, þessum fáu sem efir eru, að gefa graut?)

Einn-tveir

Skyldi það vera tilfellið að í stúdíóum ríkisfjölmiðilsins RÚV hangi einhvers konar plagg á vegg þar sem kveðið er á um að undir engum kringumstæðum megi vera fleiri en ein - AÐEINS EIN- kona í einu í Kastljósþáttum á móti þessum vanabundnu tveimur körlum (tel stórnendur ekki með).

Frábært

Frábært! Davíð hættur og Björk hætt! Getur þetta orðið betra?

Samsæri

Samsæriskenning: Að Davíð hafi ákveðið að segja af sér „ráðherradómi“ til að draga athyglina frá vondum málum og vandræðum litla prinsins Gísla Marteins sem DV og Stöð 2 pönkast nú endalaust á.