Svertla

„Fyrir þær konur sem eru með þurra fætur, dauðar húðfrumur, appelsínuhúð, flagnaða og líflausa húð eða önnur vandamál er um að gera að kynna sér það nýjasta í Sally Hansen vörunum.“ - Svona hljómar upphafið að löngum kynningartexta fyrir húðvörur sem birtist í Blaðinu í dag. Allt gott og belssað með það, en… þurfa karlmenn ekkert á þessum vörum að halda? Þornar húðin á fótunum á þeim aldrei upp? Engar dauðar húðfrumur þar? Allar alltaf sprell- lifandi og flottar? Engin appelsínuhúð eða lífleysi sem þarf að flikka upp á? Nei sennilega ekki ef marka má áðurnefnda auglýsingu. Lappir, leggir og læri á karlmönnum eru náttúrulega stinn og þokkafull og þurfa ekki á skrúbbkremum, skrúbbhönskum, glossa, gljáa og retionl að halda til að styrkja, móta og mýkja þetta fullkomna sköpunarverk Guðs! Amen.