Áttu fleiri svona auðveldar spurningar?

„En þó ríkisútgjaldasinnarnir séu margir eru þeir að vísu misjafnlega harðir í horn að taka. „Rýrt mun verða fyrir honum smámennið“ sagði Sigurður svínhöfði við Starkað Barkarson þegar þeir lögðu á ráð gegn Gunnari á Hlíðarenda og er það eflaust gömul saga og ný. En á hinn bóginn má auðvitað benda á að einnig eru til hættulegri þrjótar og fyrst minnst var á Brennu-Njáls sögu þá má geta Flosa á Svínafelli sem reyndist fjölskyldunni á Bergþórshvoli þungur í skauti. En sem sagt, ríkisútgaldasinnar berjast af hörku fyrir sínum kröfum og eru misvandir að meðulum enda veit svín hvað sér sóma þykir, eins og sagt er.“

Það er nærtækt að nota Hillary Clinton sem dæmi. Nú þegar hún er tilnefnd sem utanríkisráðherra, þarf hún sjálfkrafa að segja sæti sínu sem Senator lausu. Það þykir nefnilega sjálfsagt að aðskilja þingvald og framkvæmdavald þannig að ráðherra geti ekki einnig verið þingmaður.

Áður en Obama var tilbúinn til þess að tilnefna hana, þurfti eiginmaður hennar að gera hreint fyrir fjármálum sínum, þar með taldar stofnanir á hans vegum, til þess að sýna fram á að engir óeðlileg hagsmunaákekstrar séu til staðar. Sjalf var hún þegar búin að gera eigin fjármál opinber.

Áður en hún getur tekið við embætti utanríkisráðherra, þarf Senateið að staðfesta ráðningu hennar.

Þá þarf þing einnig að staðfesta ráðningu í embætti hæstaréttardómara, sem og embætti bankastjóra seðlabankans, að loknum yfirheyrslum.

Í báðum deildum þingisns starfa mikill fjöldi nefnda auk sérstakra rannsóknarnefnda. Mikið af fundum þessara nefnda fara fram fyrir opnum dyrum. Skemmst er að minnast yfirheyrslna yfir bílaframleiðendum eða bankastjóra, sem var hægt að fylgjast með í beinni útsendingu.

Þetta eru bara nokkur dæmi sem mér dettur í hug núna. Enginn nýr sannleikur, en mikið held ég að Ísland væri skárra land ef fundir viðskiptanefndar Alþingis væru sýndir í beinni útsendingu á netinu, ef fjármálaráðherra gæfi upplýsingar um eigin fjármál, ef viðskiptaráðherra væri ráðinn á faglegum forsendum, að ráðning frændans í stól hæstréttardómara væri rædd í t.d. Allsherjarnefnd og ef Alþingi bæri gæfu til þess að hrista af sér ægivald framkvæmdavaldsins.