Að ná ekki djóknum
Skólameistari Menntaskólans á Akureyri leggur til að skólanum verði breytt í einkaskóla enda fái hann þá áfram sömu framlög eða meiri frá hinu opinbera.
Þetta er frekar beitt komment á ástand skólamála hér á landi þar sem stjórnvöld hygla einkaskólum en krefjast aðhald af þeim sem eru í sameign þjóðarinnar.
Þess vegna er merkilegt að fjölmiðlar sem segja frá þessu virðast ekki skilja hvert maðurinn er að fara með þessu. Finnst þetta bara góð hugmynd. En kannski er þetta til marks um nýja tíma - eftir að allir fjölmiðlar eru orðnir stjórnarsinnaðir og bitlausir.