Frétt dagsins
Það hlaut að koma að þessu:
„Hjörleifur Hallgríms, fyrrverandi ritstjóri Vikudags á Akureyri, býðst til að leggja fram tvær miljónir króna í hússjóð framsóknarfélaganna í bænum verði hann kosinn í 3. sætið á framboðslista flokksins í Norðausturkjördæmi fyrir komandi alþingiskosningar. … Hjörleifur hafnar því alfarið að um sé að ræða mútur(leturbr. mín).“ Þetta kom fram á fréttavef RÚV.
Miðað við aðfarir fólks í prófkjörsbaráttu er þetta rökrétt skref, en það næsta hlýtur að vera að sætum á framboðslistum verði úthlutað með uppboði.
Að öðru: Herferð okkar Stefáns gegn Moggablogginu hefur vakið mikla athygli og valdið taugatitringi í bloggheimum, enda hlýtur það að teljast saga til næsta bæjar að tveir einstaklingar nái að leggja fjölmennasta netsamfélag landsins í einelti. Er Moggabloggið óðum að verða kúgaðasti meirihlutahópur landsins - að Þjóðkirkjunni frátaldri.
Ég blogga raunar líka út frá fréttum - svo lengi sem þær eru ekki á mbl.is. Megi Moggabloggið fá skjótan og maklegan endi.
January 10th, 2007 at 19:38
Kvitt;)bandalagið lætur ekki að sér hæða.
January 10th, 2007 at 22:10
[…] Sverrir Jakobsson hefur lagst með Stefáni Pálssyni (eins gott að klára þessa setningu) á þær verðugu árar að koma Moggablogginu um kring með formælingum í lok hverrar færslu. Nokkrir þarlendir bloggfoglar hafa hnýtt í þetta athæfi og það finnst Sverri fyndið … enda hlýtur það að teljast saga til næsta bæjar að tveir einstaklingar nái að leggja fjölmennasta netsamfélag landsins í einelti. Er Moggabloggið óðum að verða kúgaðasti meirihlutahópur landsins - að Þjóðkirkjunni frátaldri. […]
January 11th, 2007 at 13:24
já, best að ég tengi líka á þig á minni moggabloggsíðu…