Á morgun er 1.maí. Þá mæta nátúrulega allir góðir karlar og allar góðar konur í morgunkaffi SHA. Það passar einmitt svo vel að hefja daginn þar fyrir kröfugönguna.
Í kvöld er það hinsvegar 100 ára afmæli Fram. Ég mæti að sjálfsögðu með mínum manni - enda bara á 100 ára fresti sem ég þarf að standa í svoleiðis. Og svo er ég náttúrulega gamall Framari. Keppti meira að segja á skíðum undir þeirra merkjum fyrr á árum, þegar ég hafði ennþá jafnvægi.
Í boði flokksins. -Hvað annað?
Senn líður að friðarmat.
Þ.e.a.s. sokkabuxnalaus. Vorið er semsagt formlega komið. Ég gekk út í banka á “bara gallabuxunum”, reyndar í ularpeysu innanundir jakkanum og með trefil og króknaði ekki. Mér fannst nú samt full vel í lagt að vera berfætt í einhverskonar bandaskóm eins og konan sem ég mætti.
* * *
Frásögn Jóns Knúts af tilraun hans við að hrekkja Draupni mun halda mér í góðu skapi næstu dagana. Ég sé þetta svo fyrir mér.
* * *
Fjölskyldan fagnaði sumrinu með afmæliskaffi fyrir nokkra ættingja og vini í Friðarhúsi. Þó svo að gestirnir hafi tekið hraustlega til matar síns eru smá afgangar af kökum. Það væru því aldrei þessu vant góðar líkur á að verða boðið upp á eitthvað með kaffinu sé droppað við á morgun. Við verðum heima frá svona rúmlega fjögur til að verða sjö.
Annað kvöld er svo mánaðarlegur fjáröflunarmálsverður í Friðarhúsi. Matseldin verður að þessu sinni í höndum Systu og er matseðillinn sem hér segir:
* spönsk paella
* tortilla (spönsk karöflueggjakaka)
* brauð með hinu víðfræga gríska taramossalati
Borðhald hefst kl. 19 en húsið verður opnað hálftíma fyrr. Verð kr. 1.500.
Ragnheiður Eiríksdóttir spilar fyrir gesti.
Sjáumst 
Afmælisbarn dagsins sýnist bara nokkuð ánægt. Vona að afmælisbörnin Eiríkur Ágúst og Hilmar Örn séu jafn kátir með daginn.
Móðir mín myndi ekki þekkja Evróvisjón framlag okkar Íslendinga ef hún heyrði það spilað í útvarpi. En hún er yfir sig hrifin af myndbandinu. Draupnir er náttúrulega engum líkur. Ég vissi samt ekki að hann væri svona fimur dansari.
Á morgun ætla ég að fara á þessa ráðstefnu um fötlunarrannsóknir. Ég hef mikla trú á að það verði bæði skemmtilegt og fróðlegt.
Annars er búið að vera óvenju mikið vitsmunalíf í kollinum á mér í dag.
Merkilegt hvað það getur verið erfitt að taka á lúxusvandamálunum. Almennu vandamálin gengur maður bara í með uppbrettar ermar.
Hárið er svosem ekki enn orðið grænt en það er síðan hinsvegar. Mér finnst þetta ótrúlega smart litur.
* * *
Í kvöldmatinn voru grjónagrautur og lifrarpylsa. Fyrir nokkrum vikum kom ég seint heim af fundi og nartaði í lifrarpylsuafgang og fékk mér rauðvínsglas með. Mig langaði svolítið að fá mér rauðvín með matnum áðan en fannst það ekki alveg passa með grautnum og mjólkinni.
Það getur hinsvegar vel verið að ég fái mér rauðvínsglas yfir lífsháska í kvöld (ég veit - við erum líklega eina fólkið sem enn fylgist með) og narti í lifrarpylsu með. Það á svo kostulega vel saman.
Ég er frekar fúl og pirruð akkúrat núna. Ég gleymdi sem sagt að mæta til tannlæknis eins og til hafði staðið í morgun. Þegar ég átti að sitja og engjast í stólnum var ég að bora í nefið og svekkja mig á því að vinir mínir væru ekki nógu duglegir að blogga. Já og aðeins að reyna að lesa smá mannfræði.
* * *
Mig langar að setja ljóst skol í hárið á mér. Mér finnst ég einfaldlega ekki vera nógu mikil ljóska fyrir þessa fallegu sól sem er farin að skína úti og virðist meira að segja ætla að fara að hita landið pínulítið upp næstu dagana. Ég tími samt ekki að fara á hárgreiðslustofu og eyða fult af peningum í strípur.
En hvernig er það annars með þessi skol? Gera þau hárið kannski bara grænt? Hárið mitt á það allavega til að fá á sig græna slikju þegar ég fer í sund.
Ekki það að grænt hár er kannski bara alveg málið. Það myndi allavega brjóta hversdagsleikann svolítið upp. Mig minnir að ég eigi meira að segja grænan ælæner einhversstaðar. Hann myndi örugglega passa vel við.