Sundurliðaðir reikningar
Ég þakka þeim sem studdu mig í forvali Vg í gær. Ég get ekki annað en verið himinlifandi með mína útkomu. Ég stefndi á fjórða sæti og því náði ég. Ég vil einnig óska öðrum sem hlutu góða kosningu til hamingju með árangurinn og þakka öllum frambjóðendunum þrjátíu fyrir skemmtilega kosningabaráttu. Kosningavakan var bráðskemmtileg og ég sem er orðin verulega slakur djammari var ekki komin heim fyrr en rétt fyrir kl. 3 í nótt.
Ég ætla hér með að leggja fram áætluð útgjöld mín vegna forvalsins:
Framlög í kaffisjóð flokksins á hinum ýmsu fundum og uppákomum í aðdraganda forvals kr.900
Efniskostnaður vegna kökubakstur fyrir framboðsfund kr. 500
Hækkaður símakostnaður kr. 400
Svartar bómullarsokkabuxur keyptar sérstaklega fyrir kosningavökuna kr.2700
Akstur með stuðningsmann á kjörstað kr. 100
Keypt eintak af Hér og nú kr. 395
Þetta gera samtals kr. 4995
Það vill til að sokkabuxurnar sem eru aðal útgjaldaliðurinn hér get ég notað margoft aftur.
December 4th, 2006 at 12:09 am
Til hamingju með árangurinn.
December 4th, 2006 at 1:42 am
til hamingjumín kæra.. glæsilegt hjá þér
December 4th, 2006 at 8:48 am
Flott hjá þér Steinunn og til hamingju! Bendi á að svo er hægt að föndra jólakort úr Séð og Heyrt eða nota sem jólaskraut/pappír!
December 4th, 2006 at 9:12 am
Til lukku væna mín með góðan árangur
December 4th, 2006 at 1:03 pm
Til lukku! Þetta var glæsilegt hjá þér.
December 4th, 2006 at 2:48 pm
Til hamingju með glæsilegan árangur. Þeir fá minna sumir sem eyða meir.
December 5th, 2006 at 2:03 pm
Til hamingju. Gaman að sjá þig þarna á listanum.
December 6th, 2006 at 1:41 pm
Til hamingju, þetta var glæsilegt. Fyrirgefðu hvað ég er sein og að hafa ekkert heyrt í þér, hef bara hugsað til þín, lofa þér því. Já þetta voru greinilega stórútgjöld manneskja, þú ættir nú kannski að halda námskeið í því hvernig hægt er að ná árangri í prófkjöri án þess að nota peninga.
December 6th, 2006 at 2:28 pm
Ætli galdurinn sé ekki að vera heiðarlegur og skýr. Eða hvað segir þú Steinunn, fáum við ekkert að frétta af frambjóðandanum meir? Til hamingju enn og aftur - þú ert líklega bara enn að fagna (á sparsaman hátt:)
December 8th, 2006 at 6:29 pm
Til hamingju með árangurinn. Er ekki kaffihúsahittingur í næstu viku á Café Milano?