Hin hliðin

Ólína er ein í leikskólanum. Ég kvaddi hana um níu leytið og mun ekki sækja hana aftur fyrr en klukkan hálf eitt. Hún á semsagt að borða hádegismatinn með hinum börnunum í dag. Stúlkan var tillitssöm við móður sína og grét þegar hún fór. Það verður því spennandi að fá af því fréttir í hádeginu hversu lengi barnið hefur grátið.

Annars er planið að nota tíman til þess að taka til í pósthólfinu og lesa svosem eins og eina grein um kynlíf fatlaðra. Skothellt plan.

Síðustu dagar hafa verið annasamir. Þegar barnið er sofnað (og ég vona að það verði sem fyrst) ætla ég að skríða upp í rúm og breiða upp fyrir haus. Kenni þreytu um hrikalegt andleysi mitt.