Litla klifurdýrið
Ólína, sem alltaf var svo varkár, er skyndilega orðið hið mesta klifurdýr. Það má ekki líta af henni því hún er á augabragði búin aðklifra upp í vagninn sinn eða upp á sófaarm og þaðan yfir í hægindastól. Í morgun var hún meira að segja að búa sig undir að klifra úr vagninum og upp á píanóið. Það merkilega er að hún er hinsvegar ennþá hálf smeik við þröskulda og stiga.