Til hamingju með daginn!
…ég rétt náði því ;o)
Það gekk bara vel að stofna kvennahreyfingu ÖBÍ. Salur í Hátúninu var smekkfullur og það varð að ræsa út húsvörðinn til að grafa upp fleiri stóla. Flest ávörpin voru bara fín og til fyrirmyndar.
En úff hvað ég er þreytt eftir daginn. Hafði þó aldrei þessu vant vit á að vera í sjúkrasokkum. Annars væri ég líklega að reyna að höggva af mér fæturna núna.
Er meira að segja of þreytt til að rölta til Júlla út í Draum eftir Sódavatni. Vona bara að Stefán verði svo elskulegur að koma við í sjoppu fyrir mig á heimleiðinni úr boltanum.
Svo er stefnan tekin á að skríða fljótlega upp í rúm og sofa bara þar til ég vakna aftur af sjálfsdáðum. Engin vekjaraklukka verður semsagt stillt í kvöld.