Hin hliðin

Húrra!!!

Palli kom núna áðan og tengdi nýja fallega Makkann okkar við netið. Ó hvað ég sé fram á skemmtilegt kvöld. Stefán er að fara eitthvað út en ég ætla að byrgja mig upp með poppi og allskonar gúmmelaði og vafra um netið í allt kvöld, á milli þess sem ég glápi heiladauð á sjónvarpið. Ég held að þetta verði alveg fyrirtak.

Núna er ég sem sagt komin með nettengingu í fyrsta sinn síðan Bryndís flutti út.

* * *

Stefán og tengdapabbi máluðu í dag sameigninga niður að ganginum í kjallaranum. Þetta lítur ljómandi vel út hjá þeim og ég er ekki fjarri því að ég ráði þá bara í að flikka upp á alla íbúðina.

* * *

MS-félagið stóð í dag fyrir frábærum fræðslufundi um það sem nú er helst að gerast í lyfjamálum MS-sjúklinga. Sverrir Bergmann taugalæknir hélt erindi og var alveg hreint bráðskemmtilegur. Húsið smekkfylltist og fólk virtist bara vera í mjög góðum gír. Vonandi að þessi sami gír haldist næstu tvær vikurnar.

This entry was posted on Saturday, October 16th, 2004 at 6:34 pm and is filed under Uncategorized. You can follow any responses to this entry through the RSS 2.0 feed. Both comments and pings are currently closed.