Fyrsti skóladagurinn
Í dag er fyrsti skóladagur þessa vetrar. Ég mun hvorki fá mér nýja skólatösku né nýtt pennaveski í tilefni nýs skólaárs. Hinsvegar er ég að íhuga að fara í sturtu áður en ég mæti í tímann og hefja skólaárið hrein og strokin.
Í kvöld verður einnig upphaf ferils míns sem dönskukennara. En þannig er mál með vexti að ég hef tekið það að mér að hjálpa tíundubekkjarstúlku að koma dönskunni í aðeins betra horf fyrir samræmduprófin í vor.
Ég hef tröllatrú á því að erlend tungumál sé gott að læra með því að lesa teiknimyndasögur á því tundumáli sem læra skal. Og því hef ég tekið til stóran bunka af skrípó á dönsku sem téður tíundibekkingur mun þurfa að plægja sig í gegnum á komandi vikum.
September 2nd, 2004 at 9:02 am
Heppin stúlka!