Spítalablogg nr.1
(Ath. umsjónarmanns: Steinunn er á Sankti Jó og mun á meðan á dvölinni stendur senda SMS á Stefán sem færir þau handvirkt inn. Ekki mjög tæknilegt - en árangursríkt.)
Stóðst læknisskoðunina og er komin með nál í handlegginn. Hún fór á sinn stað í annarri stungu. Það er nú svo gott sem á pari.
Þamba te, enda kaffið með öllu ódrekkandi, les Raymond Chandler og hlusta á útvarpið hjá kallinum í þarnæsta herbergi. Sem betur fer er það stillt á rás 2 svona úr því það þarf að vera á svona rosalegu blasti.