Hin hliðin

Sjónvarpsfjarstýring heimilins er að gefa upp öndina. (Ég er eiginlega hálf hissa á að Stefán hafi ekkert fjallað um það). Fyrst hélt ég bara að batteríin væru að verða búin og skipti um batterí en ekkert breyttist. Svo núna þarf maður að standa beint fyrir framan sjónvarpið og mjög nálægt því til þess að skipta um stöðvar eða skoða textavarpið. Frekar pirrandi á heimili þar sem eðal sófakartöflur búa en hefur þó að sama skapi þann kost að Stefán nennir ekki að rása jafn mikið.

* * *

Ég þakka Svalbaun fyrir að birta Neistaflugsdagskrána. Ég hafði einmitt verið að velta því fyrir mér hverjir myndu spila heima. Ég ætla að skella mér austur ásamt mömmu og systkynum mínum. Stebbi verður skilinn eftir í bænum. Hann þarf að vinna fyrir heimilinu.

Í augnarblikinu hef ég minnstan áhuga á böllunum. Það er aldrei að vita nema ég kynni mér einu sinni það sem er á dagskránni fyrir hádegi.

Þá þurfum við greinilega ekki að velkjast í neinum vafa um það að ég er orðin miðaldra.

This entry was posted on Thursday, July 17th, 2003 at 1:35 pm and is filed under Uncategorized. You can follow any responses to this entry through the RSS 2.0 feed. Both comments and pings are currently closed.