Þá læt ég Bubba baula á Bítlana.

„Alls mátti finna 117 efnisgreinar í greinaflokknum og er þá allt talið: greinar, viðtöl, hliðardálkar, skýringarmyndir og svo framvegis. Þegar efnið er greint eftir þeim tón, sem finna má í því — hvort það megi teljast hlutlaust, með eða á móti ESB — kemur ótrúleg slagsíða í ljós.

Tæplega 2/3 alls efnis voru til þess fallnir að draga upp jákvæða mynd af Evrópusambandinu og aðild Íslands að því, sumt hreinn áróður. Hins vegar voru liðlega 15% efnisgreinanna neikvæð gagnvart Evrópusambandsaðild, en einungis 21,37% var hvorki né, sæmilega hlutlaus umfjöllun.

Rétt er þó að nefna að jafnvel það efni, sem telja mátti hlutlaust, var það þó tæpast allt. Nokkru rými var varið í að skýra eðli og uppbyggingu Evrópusambandsins, fjalla um hlutverk framkvæmdastjórnar, Evrópuþingsins og svo framvegis.

Þær lýsingar voru beint upp úr bókinni, þ.e.a.s. Upplýsingahandbók almannatengsladeildar ESB, en þar var ekki vikið orði að gagnrýni á lýðræðishallann, viðvarandi spillingu, bókhaldsóreiðu og ýmislegt annað, sem menn vilja telja ESB til foráttu.“

R-listinn var vissulega áfram um flugvallarkosninguna, en aðallega sem æfingu í nútímalegu, rafvæddu íbúalýðræði. Sú tilraun heppnaðist raunar ekki alveg sem skyldi og því töluðu þeir nú minna um hana eftir á en til stóð.

Verra var þó að í aðdraganda kosninganna dalaði áhugi R-listans á málinu og þrátt fyrir að andstæðingar flugvallarins hafi haft betur í kosningunni var ekkert gert við niðurstöðuna og hún raunar hundsuð af R-listanum, sem skömmu síðar framlengdi líf vallarins enn frekar.

Borgarstjórnarflokkarnir voru ekki heldur jafneindregnir í þessu og þig minnir. Inga Jóna og Villi töluðu þetta mjög niður og það átti svo sem við um fleiri sjálfstæðisforkólfa, en engan veginn alla. Þeir borgarfulltrúar Sjálfstæðisflokksins fundust líka, sem töldu kosninguna ágæta leið til þess að uppræta völlinn. Eins fundust ýmsir í R-listanum, sem máttu ekki heyra á það minnst að flugvöllurinn færi og höfðu uppi ýmsa fyrirvara um kosninguna.

Mér er þetta minnisstætt vegna þess að ég tók mikinn þátt í kosningabaráttunni gegn flugvellinum undir merkjum samtakanna 102 Reykjavík. Í þeim var dágóður hópur fólks úr öllum pólitískum áttum, þar á meðal margir atkvæðamenn íhaldsins.