Um tilgangsleysi allra hluta

Norður-Kórea er skrítið ríki. Í orði kveðnu á það að heita í stríði við granna sína í suðri, en á sama tíma má færa fyrir því rök að efnahagslegur stuðningur sunnanmanna haldi landinu á floti.Á íþróttasviðinu eiga Norður- og Suður-Kóreumenn einnig í afar sérkennilegu sambandi. Ýmist koma ríkin fram sem ein heild (eins og stundum á setningu vetrarólympíuleika) og oft er rætt um að sameina landslið þeirra í flokkaíþróttum - en á öðrum tímum eru þetta erkifjendur í keppni.Fótboltinn er sérkennilegt dæmi um þetta. Þar hafa Norður-Kóreumenn öflugu liði á að skipa. Aðalmaðurinn er Jong Tae-Se, sem er líklega besti knattspyrnumaður Asíu í dag. Það er bara tímaspursmál hvenær hann fer til evrópsks stórliðs (þið lásuð það fyrst hérna!) Hann er raunar fæddur og uppalinn í Japan, hefur varla komið til Norður-Kóreu nema til að leika landsleiki og deilir ekki kjörum með félögum sínum í landsliðinu að neinu leyti.Nema hvað -  Norður-Kórea er í bullandi séns að komast í úrslitakeppni HM 2010. Í dag lék lið þeirra fyrsta leikinn í fimm liða úrslitariðli (þar sem tvö efstu liðin komast beint áfram og það þriðja fer í úrslitaleiki). Kóreumenn unnu Sameinuðu arabísku furstadæmin á útivelli og tóku þarmeð stórt skref í átt til Suður-Kóreu.Næsti leikur er gegn Suður-Kóreu - liði sem var líka með Norður-Kóreu í milliriðli. Undir eðlilegum kringumstæðum myndi maður ætla að Norður-Kóreustjórn leggði ofuráherslu á að vinna óvininn fyrir framan troðfullum leikvangi í höfuðborg sinni og nota tækifærið til að sýna illu kapítalistunum í suðri glæsilega skrautsýningu. Það er ekki á hverjum degi sem hálf suður-kóreanska þjóðin situr límd fyrir framan sjónvarpið og horfir á slíkar samkomur.En Kim Jung-Il og félagar þora ekki að taka sénsinn. Þegar þessi staða hefur komið upp, að Norður-Kórea á heimaleik gegn Suður-Kóreu í flokkaíþrótt, þá finna norðanmenn sér yfirleitt átyllur til að flytja keppnina eitthvert annað - oftar en ekki til Kína.Ýmsar skýringar kunna að vera á þessari hegðun. Ein er sú að smkv. áróðri Kóreu-stjórnar, hafa íbúar sunnan landamæranna skömm á öllum táknum Suður-Kóreu, s.s. þjóðsöng og fána. Það yrði því óheppilegt að sjá hóp suður-kóreanskra knattspyrnumanna syngja þjóðsönginn og hylla fánann. Og þótt tilhugsunin um sigur á vondu ameríkanavinunum á heimavelli sé örugglega ljúf, er hálfu verra að hugsa sér ósigur fyrir framan tugþúsundir manna og e.t.v. einhverja af helstu leiðtogum Kommúnistaflokksins. - Þá er skárra að  taka ekki sénsinn, spila heimaleikinn í öðru landi og þagga niður fréttir af slæmum úrslitum.Meira um þetta í næstu viku… 

Útför Sigurbjarnar Einarssonar var eflaust ákaflega falleg. Hún var líka örugglega mjög tilfinningaþrungin fyrir fjölda fólks - sem jafnvel hitti biskupinn aldrei í eigin persónu.En hvers vegna þurfa allir fjölmiðlar að segja að hún hafi verið látlaus?Athöfnin var í beinni útsendingu í sjónvarpinu. Kirkjan var full af fyrirmennum. Það var búið að koma hátölurum fyrir utan við bygginguna, ef mannfjöldi myndi safnast saman…Jújú, það voru engar rakettur sprengdar eða hljómsveitir sem stigu á stokk - út frá því má svo sem segja að athöfnin hafi verið látlaus… en það gildir svo sem um allar jarðafarir. Þá er hugtakið í rauninni merkingarlaust. 

Tony Blair var tíðrætt um að sagan myndi dæma hann (öðrum leist reyndar betur á hefðbundna dómstóla). Í fljótu bragði er þó erfitt að sjá fyrir hvað Blair gerir sér vonir um að fá uppreist æru? Afrek hans felast helst í því að vera þaulsetinn. Það er mjög erfitt að benda á einhver afmörkuð dæmi um hluti sem beinlínist má rekja til valdatöku Blair-stjórnarinnar.

Eitt af því er þó hinn hljóðláti aðskilnaður Skotlands og Englands, sem nú á sér stað jafnt og þétt. Hann má að miklu leyti þakka Tony Blair, þótt sjálfur yrði hann varla kátur með þann dóm.

Verkamannaflokkurinn lofaði kosningu um sjálfstætt skoskt þing fyrir kosningarnar 1997. Í raun vildi flokkurinn ekki skoskt þing, en tilgangurinn var sá að gera flokk skoskra þjóðernissinna, SNP, skaðlausan í kosningunum og gulltryggja stórsigur.

Allt var gert til að reyna að fá Skota til að fella stofnun skoska þingsins, en það mistókst. Þingið í Edinborg varð að veruleika.

Þann dag hófst hægfara og hljóðlátur aðskilnaður landanna tveggja.

Skoska þingið og heimastjórnin hafa jafnt og þétt tekið til sín meiri völd á kostnað Lundúna. Eitt og annað í rekstri grunnstoða samfélagsins - skóla- og heilbrigðiskerfið - er nú með öðrum hætti norðan landamæranna en fyrir sunnan. Og nú síðast hefur Gordon Brown gefist upp fyrir kröfum SNP og fallist á kröfur þess efnis að Skotar fái aukið vald til að ákveða skatta.

Þróunin er öll í eina átt. Með hverju árinu færist Skotland nær því að geta talist sjálfstætt ríki í miðri Evrópu. Sem stendur eru það einkum skoskir þjóðernissinnar sem knýja á um slíkt, en það eru þó teikn á lofti um að stuðningur fari að berast úr öðrum og óvæntari áttum. Íhaldsmenn í Bretlandi eru í vaxandi mæli farnir að velta því upp hvort rétt sé að skoskir þingmenn geti tekið þátt í ákvörðunum á breska þinginu sem varði aðra íbúa Bretlands en ekki þá sjálfa. Það er ekki lítið skref hjá flokki sem heitir jú fullu nafni Íhalds- og sambandssinnaflokkurinn.

Þegar Skotar verða komnir með sjálfstæðan ríkissjóð, annars konar skattakerfi, sjálfstætt mennta- og heilbrigðiskerfi og þingmenn þeirra fá ekki að kjósa um málefni Englands og Wales… þá er það nánast orðið skilgreiningaratriði hvort hægt sé að tala um eitt ríki eða ríkjabandalag.

Hvað mun þetta taka langan tíma?

Tja, kannski erum við að tala um áratugi… en ef Íhaldsflokkurinn vinnur næstu kosningar og tekur við völdum í Westminster, með kannski 1-2 skoska þingmenn á bak við sig og SNP situr áfram við völd í Edinborg… þá er stutt í að mykjan skelli á viftuspöðunum!

Nýjasti íslenski bjórinn er Móri frá Ölvisholti brugghúsi.Þetta er rauður ale. Mikið var að Íslendingar reyndu að búa til ale.Og viti menn. Hann er bara ágætur. 

Af öllum leiðindagaurum knattspyrnuheimsins er Pelé hiklaust á topp-5 listanum.

Nýjasta útspil hans er að skamma Robinho fyrir að láta græðgina ráða för og ganga til liðs við Manchester City í stað þess að spila fyrir Real Madrid eða Chelsea (væntanlega af hugsjóninni einni saman).

Þetta kemur nú eiginlega úr hörðustu átt frá manni sem gekk til liðs við New York Cosmos.

Fyrir nokkrum dögum spáði ég því að stríð kynni að brjótast út í Nagorno-Karabakh.

Núna er Dick Cheney staddur í Azerbaijan með það yfirlýsta markmið að styrkja tengslin við stjórnina þar, sem er í miklum metum hjá ráðamönnum í Bandaríkjunum og Nató.

Í gær hlustaði ég svo á viðtal við stjórnmálamann/fréttaskýrenda frá Azerbaijan á BBC World Service, útskýra hvers vegna Nató-ríki ættu að styðja Azera í að ná völdum í Nagorno-Karabakh. Héraðið hefur verið í raun sjálfstætt í tæp tuttugu ár - en engu að síður talaði maðurinn eins og að þessi staða væri afleiðing af útþenslustefnu Rússa og mátti helst skilja á honum að Pútín væri nýlega farinn að kynda undir ófriðarbálinu þarna.

Ég er svo sem ekkert hissa þótt einhverjir vestur-evrópskir stjórnmálamenn noti Georgíudeiluna til að fella auðveldar keilur í einhverju áróðursstríði við Rússa, en ábyrgð manna er mikil ef þeim tekst að koma af stað nýju stríði um Nagorno-Karabakh.

Össur Skarphéðinsson er skrítin skrúfa. Bloggsíðan hans hefur alloft komist í fréttirnar - einkum í tengslum við einhverjar blammeringar og sleggjudóma. Þetta töldu einhverjir merki um að ráðherrann væri stílsnillingur. Sjálfur sá ég aldrei stílsnilldina í frekar tilgerðalegri notkun á orðatiltækjum og frösum. En gott og vel, það má ekki taka það af Össuri að bloggið hans hefur meira aðdráttarafl en gerist og gengur með síður íslenskra stjórnmálamanna - sem sumar hverjar virðast ennþá vera búnar til árið 1997 og byrja á forsíðuávarpi sem hefst á: “Alnetið er miðill framtíðarinnar… blabla…” Þess vegna les ég blogg Össurar Skarphéðinssonar og mun halda því áfram. Mikið óskaplega vildi ég samt að iðnaðarráðherra vendi sig af einum ljótum ósið - sjálfshólinu. Tökum pistil kvöldsins sem dæmi.  Í honum skammast Össur út í Steingrím Joð, sem hann telur hafa farið illa út úr umræðum dagsins á þinginu. Gott og vel - það kann vel að vera að SJS hafi verið slappur og lent í vandræðum (ekki horfði ég á þetta). Það getur líka vel verið að Össur hafi verið í banastuði og pundað út djókunum á kostnað stjórnarandstöðunnar. En mikið finnst mér það óþægilegt að lesa pistla þar sem menn hrósa sjálfum sér með þeim hætti sem þarna er gert. “Djöfull tók ég´ann…” gæti pistill ráðherra eins hafa heitið - því það er augljóst að Össuri finnst hann hafa farið á kostum.Í fljótu bragði man ég ekki eftir öðrum íslenskum stjórnmálamönnum sem tileinkað hafa sér þennan stíl. Og þó - í sjálfsævisögu Steingríms Steinþórssonar  má finna allmarga kafla sem eru í þessum dúr. Þar sem andstæðingunum er lýst sem viðskotaillum og hlægilegum, en frægum sigrum Steingríms í kappræðunum lýst nákvæmlega og oftar en ekki klykkt út með klausum eitthvað á þessa leið: …og þótti Húnvetningum almennt að ég hafi farið með sigur af hólmi og (nafn á pólitískum andstæðingi) hefði minnkað að áliti. Er Össur kannski Steingrímur Steinþórsson sinnar kynslóðar? Þar væri ekki leiðum að líkjast. 

David Conn skrifar stórgóða grein um hina nýju eigendur Manchester City og þróun enska boltans.

Efsta færslan í athugasemdakerfinu er hins vegar mögnuð. Hún er sett upp sem leikþáttur og Luton Town kemur mjög við sögu:

Transfre Day : A play in one part. A modern fairy tale.

Act One, Scene 1
May 11th 1968, Maine Road, England.

Manchester City have just defeated Newcastle in a pulsating match to become First Division Champions………just behind the goal in the City end a young man, maybe 22, stands and applauds and stays, long after the celebrations are over. His eyes are moist as he finally looks around and sees an older man, balding, mid to late 40s looking at him. We don’t know them but we will call them CitySteve3 and FarMan.

CitySteve3 : Wow, that was amazing - I can’t believe we are Champions !

FarMan : I know what you mean, it’s incredible.

CitySteve3 : Do you think we can do it next year?

FarMan : No, Son.

CitySteve3 : How can you be so sure? Bell, Lee, Summerbee…..we are invincible!!

FarMan : Well I hate to say this, but I am from the future and I am certain. Actually the next couple of years will be ok, we will win the FA Cup and the League Cup, and do ok in Europe, but nothing much after that…

CitySteve3 : Are you mad, from the future you say? Yeah right…..!!!

FarMan : OK, I don’t expect you to believe me now, but time will tell. How old are you, son?

CitySteve3 : 23 mate.

FarMan : Well I haven’t been beyond 2008 but you will be at least 63 before we win this league again.

CitySteve3: What! You must be joking, you’re a nutter. I don’t like you, go away you old git!

FarMan : No problems, see you again maybe? No hard feelings?

CitySteve3 : No wait, sorry….ok, ok, let’s pretend you do know. Hopefully United won’t win anything either? Haha?

FarMan : mmmm…….. sorry pal.

CitySteve3: Well, tell me… what is the best thing I will see, standing here for the next 40 years? There must be something?!!!

FarMan : Well, there is one thing…..

CitySteve3 ; What, what,… go on….you’ve got me now….!

FarMan : Well there will be, was, a funny man with crinkly hair in a beige suit who dances across the pitch to this very goal in front of you……..I think it was in 1983…it was amazing!…. City fans, just like you a minute ago had tears in their eyes again.

CitySteve3 : Wow!! What happened? What did we win?

FarMan : Nothing! Actually we went down that day, and Luton stayed up.

CitySteve3 : Oh Brilliant!! Relegated! By Luton!!! What happened to them?

FarMan : Well, that’s a long, long story son, and it’s not done yet. When I left, they were bottom of Divison 4 with minus 23 points.

CitySteve3 : Minus 23 ! Now I know you’re fookin mad pal! OK where were City in 2000?

FarMan : 2008 you mean?

CitySteve3 : Sorry two thousand and EIGHT, hahahah…

FarMan: Well City had just been sold by the Prime Minister of Thailand to some businessmen from Abu Dhabi.

CitySteve3 : Aboo where…?

FarMan : It doesn’t matter son, but they had just brought a Brazilian for 32 million pounds.

CitySteve3 : you mean thousands ! Was it Pele?

FarMan : Pele ! No he’d be old by then with erection problems….and I mean millions….actually a couple more than United paid for a Bulgarian from Spurs.

CitySteve3 : Man alive….. you are a piece of work! Nuttier than a Topic (continuity please check), but I like you. See ya next season?

FarMan : No, actually I am going back to 2008, I want to see what happens to Luton.

CitySteve3 : Luton ! Why, why, why? They are bottom of the whole pile,mate - minus 100 points or summat !

FarMan : Well yes, maybe. But you know, I think they matter more than we will ever know?

CitySteve3 : For fooks sake mate, hahahahaha! See Ya !!

FarMan : Yeah perhaps.

Fyrir nokkrum misserum hélt ríkisstjórnin blaðamannafund til að koma áleiðis þeim gleðilegu fregnum að ríkissjóður væri skuldlaus. Þetta var talinn meiriháttar sigur.

Núna er ríkissjóður að taka stórt erlent lán. Það er líka meiriháttar sigur.

Ef marka má fréttir er það jákvæðasta við þessa lántöku að hún sendir svo góð skilaboð til umheimsins. Eftir því sem ég fæ best skilið, þá eru útlendingar líklegri til að lána blönkum íslenskum bönkum úr því að Árni Matthiesen er líka búinn að fá sér lán.

Ætli þetta virki svipað innan fjölskyldna? Ef mamma og pabbi slá lán út á húsið sitt - eru bankarnir þá líklegri til að lána okkur Þóru systur pening? Það hlýtur eiginlega að vera…

Spurning hvort maður eigi að leggja sitt að mörkum og hringja í þjónustufulltrúann til að láta hækka yfirdráttinn? Það hlyti að senda jákvæð skilaboð út í hagkerfið - ekki satt?

Þegar ég er heima hjá mér, fara öll óhrein glös og bollar nokkurn veginn beint í vaskinn og bíða uppþvottar.

Í vinnunni vil ég hins vegar helst drekka úr kaffikrús sem hefur ekki verið þvegin í margar vikur og er komin með fasta skán á botninn.

Gotneskar skáldsögur hafa verið skrifaðar að minna tilefni.