Hvaða Helga?
Hulda Jakobsdóttir var bæjarstjóri fyrst íslenskra kvenna. Hún stýrði Kópavogi og þar í bæ má finna Huldubraut á norðanverðu Kársnesinu. Ég hef alltaf haft það fyrir satt að Huldubraut heiti eftir Huldu bæjarstjóra – sem gerir hana þá væntanlega að eina 20. aldar stjórnmálamanninum sem hefur fengið götu nefnda í höfuðið á sér. (Það er, þangað til að nafnabreytingarnar í Túnunum í Reykjavík ná fram að ganga.)
En skammt frá Huldubraut er gatan Helgubraut. Þá vaknar spurningin: hver var Helga?
Er þetta kannski bara rugl í mér með að Huldubraut heiti eftir bæjarstjóranum – og Hulda og Helga þá bara kvenmannsnöfn sem valin eru út í bláinn? Eða vísar Helgunafnið þá líka til einhverrar þekktrar konu? (Eitthvað segir mér samt að það sé ekki Helga Sigurjónsdóttir…)
Gaman væri að fá svör við þessu.
November 23rd, 2010 at 10:26
Mig rámar í að kona Þórðar á Sæbóli hafi heitið Helga. Þar sem Blómaskáli þeirra hjóna var á þessum slóðum er ekki ósennilegt að gatan heiti eftir henni.
November 23rd, 2010 at 11:04
Sæll Stefán – er það misminni hjá mér að Geirsgata í Reykjavík sé nefnd eftir Geir Hallgrímssyni, fyrrverandi forsætisráðherra/borgarstjóra?
November 23rd, 2010 at 11:32
Geir Zoega útgerðar- og athafnamaður myndi ég frekar halda.
November 23rd, 2010 at 12:49
Þarna eru 4 götur Marbakkabraut nefnt eftir Marbakka þar bjuggu Finnbogi Rutur og Hulda Jakopsdóttir, Huldubraut, Sæbólsbraut nefnd eftir Sæbóli þar bjuggu Þórður Þórðarson og Helga 8veit ekki eftirnafnið] sem ráku Blómaskálann og loks Helgubraut.
Þ+orður og Helga gáfu Sæbólslandið undir kirkjugarð sem Kópavogur skyfri svo á og landi í Leirdal
November 23rd, 2010 at 13:42
Það er rétt að gatan heiti eftir Helgu konu Þórðar á Sæbóli – þeir nágrannar Þórðu og Finnbogi sátu saman í hreppsnefnd en voru mjög heitir andstæðingar, til að mynda skrifaði Þórður svo til alltaf undir fundargerðir með fyrirvara, en neitaði að segja frá því við hvað hann hefði fyrirvara um.
November 23rd, 2010 at 13:58
Helga var Sveinsdóttir – rifjaðist upp þegar maður klóraði sér í kollinum, alinn upp í nágrenni þessara höfðingja og átti að muna þetta strax
November 23rd, 2010 at 18:52
Það hefur þá kannski verið pólitísk jafnvægislist að nefna sitthvora götuna eftir þeim?
November 23rd, 2010 at 19:31
Er ekki rétt að minna á Geirsnef í Reykjavík í þessu samhengi, þó svo að það sé ekki gata. Það var þó nefnt í höfuðið á Geir Hallgrímssyni, ekki satt?
November 23rd, 2010 at 19:37
En hvað með Tryggva Gunnarsson? Var hann ekki á þingi fram yfir aldamótin og hafa Selfyssingar ekki nefnt götu í höfuðið á honum? Reyndar er svolítið langt seilst að tala um hann sem 20. aldar stjórnmálamann, en samt…
November 23rd, 2010 at 21:23
Ekki má gleyma Tryggvagötu í Reykjavík, nefnd í höfuðið á Tryggva Herbertssyni, hljóðmanni.
November 23rd, 2010 at 22:36
Stefán, já og nei með jafnvægislistina, þeir voru náttúrulega báðir löngu hættir þegar þetta var og mér finnst trúlegt að Þórður hafi verið látinn. En vissulega fengu göturnar þessi nöfn þegar Alþýðuflokkur og Alþýðubandalag voru í meirihluta í Kópavogi og Þórður og Finnbogi höfðu farið fyrir þeim flokkum (eða forverum þeirra).
November 24th, 2010 at 13:31
Á Fáskrúðsfirði er Garðarsstígur, nefndur eftir Garðari Guðnasyni sem var oddviti þar á sjöunda áratugnum.
November 24th, 2010 at 16:51
Og enn má ekki gleyma Tryggvabraut á Akureyri sem nefnd var eftir Tryggva Helgasyni flugmanni, sem einmitt er í framboði til stjórnlagaþings. Er þetta ekki alveg óþolandi mismunun; hvar er Stefánsgata?