Comments on: 1919

By: Haukur

Haukur — Fri, 03 Jul 2009 00:14:03 +0000

Hliðstæðan sem pirrar mig mest í þessu er að hægrimennirnir sem klúðruðu málinu skuli geta komið því þannig fyrir að það sé vinstristjórn sem skrifi upp á nauðungarsamningana meðan þeir sjálfir gera út á andstöðu við þá. Svo geta Bjarni “Ludendorff” Benediktsson og félagar ornað sér við rýtingsstungukenningar næstu árin.

By: Stefán

Stefán — Thu, 02 Jul 2009 10:13:37 +0000

Það er í sjálfu sér hægt að ræða hin efnahagslegu afleiðingar Versalasamninganna fram og til baka. Sé á Wikipediu að stríðsskaðabótunum er kennt um þriðjunginn af óðaverðbólgunni í Þýskalandi millistríðsáranna - raunar án þess að vísa í heimild.

Aðrir telja að raunverulegu áhrifin hafi verið miklu minni, en hins vegar hafi verið auðvelt fyrir stjórnmálamenn og almenning að kenna skaðabótunum um allt sem aflaga fór í efnahagslífinu. Þannig virðist augljóst að kostnaður Þjóðverja við að styðja allsherjarverkfallið í Ruhr, sem beindist gegn greiðslu skaðabótanna, hafi verið miklu skaðlegri þýskum efnahag en greiðsla bótanna hefði verið.

By: JBJ

JBJ — Thu, 02 Jul 2009 08:55:38 +0000

Í raun hafi höfundar samninganna alls ekki haft það að leiðarljósi að kreista hvern blóðdropa út úr Þjóðverjum, heldur að ganga þannig um hnútana að hægt væri að kynna kjósendum heima fyrir nægilega háa upphæð skaðabóta, án þess þó að til stæði að innheimta nema brot þeirrar upphæðar.

Þetta eitt og sér er nóg ástæða til að gefa Versalasamningunum stórt feitt mínusstig. Var ætlunin að segja þýsku þjóðinni að þó að krafan hljómaði upp á X upphæð þá myndu menn samt sætta sig við X*20% upphæð?

Þú gerir ekki samninga svona nema vera viðbúinn því að fá það beint í hausinn aftur, ódýr pólitísk stig eins og þetta fyrnast fljótt en samningurinn ekki né afleiðingar hans.

By: Kári Tulinius

Kári Tulinius — Thu, 02 Jul 2009 02:17:35 +0000

Takk fyrir þetta! Ég var svo ginkeyptur fyrir hinni venjulegu söguskoðun að ég hafði ekki einu sinni pælt í því að túlka mætti þetta á annan hátt, enda aðdáandi Keynes.

By: Andrés Magnússon

Andrés Magnússon — Wed, 01 Jul 2009 21:50:06 +0000

Geta dulspakir ekki fundið samhengi við þá staðreynd að Þórshamarinn á húsi Eimskipafjelagsins var hulinn fyrir nokkrum árum og táknið 1919 neglt upp í staðinn? Af hinum sömu og færðu okkur Icesave, sem aftur gáfu okkur Versalasamningana ina nýju.

Fljótt! Hver er með númerið hjá Hermundi Rósinkranz? Landið hlýtur að sökkva í sæ á vopnahlésdaginn eða eitthvað verra.