«
»

Nýtt Traustamál

Mál Dennis Siim, FH-ingsins sem lék um síðustu helgi þrátt fyrir að hafa að öðllu eðlilegu átt að vera í banni, er kostulegt.

Það leiðir hugann að einu kunnasta kærumáli íslenskrar knattspyrnusögu, Traustamálinu.

Þannig var mál með vexti að Trausti Haraldsson varnarmaður úr Fram var dæmdur í leikbann á fundi aganefndar KSÍ. Næsti leikur var undanúrslitaleikur Fram í bikarkeppninni. Framarar vissu mætavel af leikbannsdóminum, en höfðu ekki fengið um hann formlega tilkynningu. Því hittist stjórn knattspyrnudeildar á fundi og ákvað að tefla Trausta fram í leiknum.

Framarar unnu og komust í bikarúrslitin. Andstæðingarnir urðu foxillir og kærðu leikinn. Endanleg úrslit þess kærumáls lágu ekki fyrir fyrr en daginn fyrir sjálfan bikarúrslitaleikinn sem var því í nokkru uppnámi. Fram vann kærumálið.

Og hverjir voru hinir svekktu andstæðingar Framara í Traustamálinu? Jú, auðvitað FH-ingar. Segið svo að Hafnfirðingar geti ekki lært af sögunni!

This entry was posted on Tuesday, September 23rd, 2008 at 08:40 and is filed under Uncategorized. You can follow any responses to this entry through the RSS 2.0 feed. You can skip to the end and leave a response. Pinging is currently not allowed.

4 Responses to “Nýtt Traustamál”

  1. kolbeinn Says:
    September 23rd, 2008 at 12:48

    Svo skal svindl bæta að benda á eitthvað verra.

  2. Pétur Says:
    September 23rd, 2008 at 13:04

    Einnig má benda á Jónsmálið svokallaða frá 1985 þegar leikmaður KR, Jón G. Bjarnason, lék gegn Þrótti í upphafsleik tímabilsins þrátt fyrir að hafa verið dæmdur í tveggja leikja bann fyrir rautt spjald í lokaleik tímabilsins 1984. Aganefnd dæmdi Jón í bann haustið áður en KSÍ klúðraði að koma þeim úrskurði áleiðis til KR!! Jón lék reyndar aðeins í 17. mínútur gegn Þrótti því hann fékk annað rautt spjald eftir að hafa komið inná sem varamaður í leiknum.
    KR vann leikinn en Þróttur kærði, stigin gengu fram og til baka á milli liðanna sumarlangt og enduðu loks hjá KR. Í lok leiktíðar var Þróttur 3 stigum frá því að halda sæti sínu í deildinni.

  3. Magnús Says:
    September 23rd, 2008 at 14:47

    Það er ekkert svindl neins staðar, bara fúsk yfirvalda. Menn eru ekki í banni fyrr en þeir hafa verið úrskurðaðir í bann. Ég vil í því samhengi viðurkenna að ég hef aldrei borgað sekt fyrir stöðubrot nema hafa fengið sektarmiða fyrst.

  4. Rene Cawthorne Says:
    October 2nd, 2010 at 02:11

    Moreover, since your body is composed of about 75 of water, the system could make you more slim and sexy. The reality is that these products either contain no Hoodia at all, or they have just a trace amount that will have absolutely no effect what so ever.

Leave a Reply