MK Dons virtist á mikilli siglingu í vor, en hafa lent í talsverðri ágjöf í sumar. Liðið á ekki völlinn sinn og þótt áhorfendafjöldinn hafi verið þokkalegur í fyrra, þá voru það ekki nema að litlu leyti borgandi áhorfendur (þeir hafa pundað út frímiðum eins og e-pillum á Tetris). Kjaftasögurnar hjá Lutonmönnum eru á þá leið að MK Dons rambi á barmi gjaldþrots. Kannski ég skrifi sérstaka færslu um þá síðar.

Væri áhugavert að skoða árangur slíkra manna. T.d. gæjans sem keypti Newcastle í fyrra, rak Allardyce og réði risaeðluna Keegan. Á hinum endanum eru menn eins og Glazer, Abramovic og hjá okkur Hicks og Gillett.

Þó H&G séu ekki allra þá hef ég minni trú á því að hópar á borð við þann sem Phil Thompson vildi stofna síðasta vetur nái nokkrum einasta árangri.

Tek hattinn ofan fyrir Luton fyrir flotta frammistöðu í fyrra og vonandi koma þeir sér í gang aftur. Er samt hræddur um að MK Dons séu að stela glæpnum hvað varðar stuðningsmenn og stuðningsaðila norður af London á næstu árum.

kveðja
bbp