Arnar og Bjarki
Það virðist frágengið að Arnar og Bjarki Gunnlaugssynir taki við Skagaliðinu sem spilandi þjálfarar.
Þar með opnast möguleiki á sérstæðri atburðarás.
Segjum sem svo að FH landi Íslandsmeistaratitlinum - sem telja má líklegt. Og að Skaganum takist ekki að rétta úr kútnum - þá myndu þeir bræður afreka það að verða Íslandsmeistarar OG falla niður um deild.
Það efast ég um að öðrum hafi tekist.
July 22nd, 2008 at 10:06
Maður trúir nú ekki öðru en að það hafi einhverntímann gerst að öfug skipti hafi átt sér stað - þ.e.a.s. að leikmaður úr liði sem fellur í lok leiktíðar hafi skipt yfir í lið sem verður Íslandsmeistari í lok sömu leiktíðar. Bjarni Guðjóns gæti til dæmis afrekað það - það hlýtur samt að vera að einhver hafi gert það áður.
July 22nd, 2008 at 10:21
Það er vissulega líklegra að menn hafi skipt í þá áttina. Það óvenjulega við þessa aðstöðu væri hins vegar að þeir bræður gætu fallið - en fengið medalíu sama dag til að hugga sig við.
En ég ekki viss um að það sé mikið um svona skipti. Það er tiltölulega stutt síðan leikmannaskipti innanlands á miðju tímabili urðu svona auðveld.