Um rússneskar siðvenjur
Um sexleytið í kvöld átti ég leið framhjá rússneska sendiráðinu. Þar var flaggað - og það ekki í hálfa stöng. Þetta er nokkuð óvænt í ljósi þess að Jeltsín dó í dag. Hér koma nokkrar skýringar til greina:
i) Að 23. apríl sé þjóðhátíðardagur einhvers ríkis eða rússneskur hátíðisdagur og þá sé flaggað óháð öllum andlátsfregnum.
ii) Að Rússar hafi aðrar siðvenjur varðandi meðferð fána í tengslum við dauða þjóðarleiðtoga - flaggi t.d. í fulla stöng í virðingarskyni.
eða
iii) Að þeir hafi verið svona einlæglega glaðir yfir að karluglan væri loksins dauð.
Þriðji kosturinn finnst mér nú ólíklegastur þegar diplómatar eiga í hlut…
Megi landsmenn draga fánann að húni þegar Moggabloggið loksins drepst!
April 23rd, 2007 at 22:12
Svo gætu þeir hafa flaggað eins hátt og þeir mögulega gátu svo fánanum yrði ekki stolið af óprúttnum aðilum…
April 23rd, 2007 at 23:39
Kannski líta þeir svo á að enginn verði til að taka upp hanskann fyrir Éltsýn.
April 25th, 2007 at 10:29
Kom aldrei fram nein skýring á þessu? Ég hjó líka eftir því að í þessari frétt á mbl.is stóð upphaflega „hundruð“ en ekki „fjöldi“. Í 10-12 milljóna borg er dræm uppskera ef bara nokkur hundruð hræður votta látnum leiðtoga virðingu sína.