The Christians
Soul-bandið The Christians komu til Íslands fyrir u.þ.b. 15 árum síðan, á að giska. Það var á þeim árum þegar allar erlendar hljómsveitakomur vöktu mikla athygli og lög sveitanna voru spiluð von úr viti í útvarpinu.
The Christians áttu einn stóran hittara hér heima - Words. Gott ef lagið var ekki síðar notað í auglýsingaherferð einhvers íslensks stórfyrirtækis, sem eflaust hefur hlunnfarið listamennina.
Um daginn sló ég The Christians upp í Wikipediunni og komst þá að því að þeir Christians-félagar eru engin sérstök guðslömb. Þrír þeirra voru bræður - með ættarnafnið Christian og sá fjórði hét hvorki meira né minna en Henry Christian Priestman.
Athyglisvert er að Words er ekki nefnt í Wikipediu-færslunni og ef leitað er í YouTube, má þar finna ýmis önnur myndbönd með sveitinni en aðeins eitt - og það nokkuð sérkennilegt myndband - með Words. Voru vinsældir þessa lags e.t.v. bundnar við Ísland?
Megi Moggablogginu verða orða vant.
April 17th, 2007 at 12:29
All Music Guide nefnir Words allavega sem hit.
April 17th, 2007 at 13:50
Spurningin er þessi: hvers vegna varstu að slá The Christians upp í Wilkipediunni?
April 18th, 2007 at 00:50
Ef ég man rétt þá voru þeir kærðir, sakfelldir og dæmdir fyrir brot á höfundarrétti vegna þessa lags. Mig minnir að maður sá sem dómurinn áleit vera hinn rétta höfund lagsins hafi verið írskur, og raunar látinn í þokkabót, en ekkja hans hafi tekið málið í eigin hendur og varið heiður bónda síns. Reyndar finnst mér ég muna að þeir Christians bræður hafi fengið mildan dóm þar sem ljóst þótti að brotið væri meira slys en ásetningur. Ég verð þó að viðurkenna að ég man ekki málsatvik svo gjörla, en þetta vesen kann sum sé að skýra hvers vegna laginu Words er ekki haldið ýkja hátt á lofti í upplýsingum um hljómsveitina. Nema mig sé að misminna um þetta allt saman.
April 21st, 2007 at 02:12
Á heimasíðu “the Christians” má lesa:
The single “Words” (taken from “Colour”) was also a huge success in Europe giving the band a #1 single in France, and paving the way for larger tours including Wembley Arena in the autumn of 1990.
Orginal vídóið er á Youtube
http://youtube.com/watch?v=kPp_0sOZr4E&mode=related&search=
Davíð Logi á frekar að spyrja sig að því hvers vegna hann hafi ekki verið búinn að slá The Christians upp á Wikipediu