Búningurinn
Í dag er öskudagur og þess vegna mætti Ólína í grímubúningi í skólann. Hún er hvorki prinsessa né sjóræningi, heldur Holland. Hún er sem sagt lítil, græn og þakin af skjöldóttum mjólkurkúm. Við sendum hana sem sagt í náttfötum.
Ég skammast mín ekki vitund fyrir að hafa ekki farið í einhverja leikfangabúðina og keypt öskudagsgalla fyrir skrilljónir. Barnið skilur ekki ennþá út á hvað svona grímubúningatilstand gengur og er raunar ekkert alltof hrifin. Á næsta ári verður meiri viðbúnaður.
# # # # # # # # # # # # #
Paul Gascoigne er epískur snillingur. Einhvern veginn koma þessar fréttir ekki á óvart.
# # # # # # # # # # # # #
Drew Talbot, strákur sem við keyptum frá Sheffield Wednesday í janúar, bjargaði gærkvöldinu með því að skora sigurmarkið gegn sínum gömlu félögum. Luton er þá fjórum stigum frá fallsæti og við getum andað rólega amk. í nokkra daga.
Mark Talbots er hægt að sjá í afleitum gæðum á YouTube. Það kanni allir góðir menn.
Ég legg til að fall Moggabloggsins verði líka sett inn á YouTube!
February 21st, 2007 at 10:55
Mér finnst þetta nú bara fullgildur búningur. Svo veit ég að það tíðkast á e-m leikskólum að hafa annaðhvert ár náttföt og hitt árið búning sem mér finnst líka sniðugt.
February 21st, 2007 at 14:07
Hver er þessi Paul Gascoigne? Sannir aðdáendur kalla hann sínu nýja nafni G8 eins og lesa má um hér:
http://news.bbc.co.uk/1/hi/uk/3761696.stm
February 23rd, 2007 at 15:42
Mér lýst vel á að náttfötin frá okkur múttu geti gegnt hlutverki sem Holland líka!