Tvíbbar
Í dag fórum við í heimsókn til Þóru frænku Steinunnar og mannsins hennar, Palla sveitarstjóra. Þau eignuðust tvíbura fyrir rúmri viku, strák og stelpu.
Manni bregður alltaf jafnmikið við að sjá svona lítil kríli. Ég ráðlagði þeim að taka nóg af myndum, ef þau ætluðu að muna eitthvað eftir þessum fyrstu vikum. Sjálfur man ég nánast ekkert eftir fyrstu vikunum hennar Ólínu. Held að heilinn þurrki út allar slíkar minningar, til að fólk gleymi vökunum og stressinu.
Það gefur auga leið að Þóra og Palli hljóta að nefna strákinn Stefán. Það verða aldrei of margir Stefánar Pálssynir. Ónei.
# # # # # # # # # # # # #
Sigmar setti hraðamet í Kastljósi við að draga í fyrstu umferð GB. Keppnisliðin eru 29, einu færri en í fyrra. Hverja vantar?
Sýndist þetta vera stórtíðindalaus dráttur.
December 27th, 2006 at 20:39
Vantar ekki Akranes?
December 27th, 2006 at 20:44
Þú gleymdir að tala illa um Moggablogg.
Ég skil bara ekkert í þér að vera svona mikið á móti Moggabloggi. Það er svooo gaman að blogga þar. Með kveðjum úr 110 þar sem ég og Mogginn eigum heima.
December 28th, 2006 at 01:25
Vestmannaeyjar!
Moggabloggið tærist upp!
December 28th, 2006 at 13:20
Nei Vestmannaeyjar eru með, það er fjölbrautarskóli vesturlands sem vantar
December 28th, 2006 at 23:30
Já, Skagamenn senda ekki lið í vetur.
December 29th, 2006 at 03:07
Má vænta þess að allar viðureignir í ár verði gerðar upp hérna á bloggsíðunni, eða ætlar Davíð Þór að sjá um það, eða jafnvel báðir ?