Maðurinn sem um er spurt var um tíma eitt af andlitum Samvinnuhreyfingarinnar útávið. Síðar kom hann að því að rekja sögu SÍS í sjónvarpsþáttum.
Opinber stjórnmálaafskipti mannsins hófust 1980, þegar hann lýsti yfir stuðningi við Vigdísi Finnbogadóttur í blaðaviðtali.
Hver er maðurinn?
Síðast var spurt um Mathias Rust, sem 19 ára gamall flaug frá Þýskalandi til Íslands - en þaðan á Rauða torgið í Moskvu. Gorbasjoff Sovétleiðtogi notaði flugferð hans sem átyllu til að reka 2000 yfirmenn í hernum - sem áttu það sameiginlegt að vera honum pólitískt andsnúnir. Rust gekk síðar af göflunum og stakk samverkakonu sína á þýskum spítala með hnífi. Hann sat inni í fimm mánuði fyrir það - sem er þriðjungur þess tíma sem hann afplánaði í sovésku fangelsi.
Staðan eftir sex umferðir af þrettán:
1 stig; Ingibjörg Haraldsdóttir, Nanna Rögnvaldardóttir, Arndís Dúnja, Þórdís Gísladóttir, Páll Ásgeir Ásgeirsson & Benedikt Waage.
Sjöunda spurning - sem fyrr er spurt um mann.
Undir lok níunda áratugarins og í byrjun þess tíunda sinnti maður þessi listsköpun. Hann orti eitthvað af ljóðum undir skáldanafninu Skulp-tur (eða Skólp-túr ef sá var gállinn á honum). Hann las m.a. ljóð sín í útvarpið.
Um svipað leyti sinnti maður þessi myndlistinni og tók þátt í samsýningu fjölda listamanna í Miðbæjarskólanum. Verk hans, sem unnið var í samvinnu við fleiri aðila, þótti sérstaklega ögrandi og reyndi á ýmis skynfæri.
Í seinni tíð hefur maðurinn látið af allri listsköpun og harma það hvorki bókmenntafræðingar né myndlistargagnrýnendur. Hver er maðurinn?
Maðurinn sem um er spurt varð heimsfrægur fáeinum dögum eftir að hann yfirgaf Ísland.
Hann hefur setið í fangelsi fyrir vopnaða líkamsárás.
Kannist þið við kauða?
Maðurinn sem um er spurt bar ábyrgð á því að meira en 2000 manns misstu vinnuna.
Þegar fimm umferðum er lokið af þrettán í þessari skemmtilegu spurningakeppni, skiptast stigin á jafnmarga aðila. Gaman verður að sjá hvort enn á eftir að fjölga í þeim hópi eða hvort einhver nær afgerandi forystu.
Staðan:
1 stig; Ingibjörg Haraldsdóttir, Nanna Rögnvaldardóttir, Arndís Dúnja, Þórdís Gísladóttir & Páll Ásgeir Ásgeirsson.
Aðrir minna.
Víkjum þá að sjöttu spurningu:
Maðurinn sem um er spurt kom til Íslands á vormánuðum 1987. Koma hans vakti enga athygli - sem vonlegt var.
Ekki er vitað til að maðurinn hafi komið aftur til Íslands. Hann er þó mikill heimshornaflakkari og hefur tvívegis sótt sér kvonfang til þriðja heimsins - til Indlands og Karabíska hafsins.
Hver er maðurinn?
Íslendingar byrja aftur að veiða stórhveli!
Jess! Ég er ekki fjarri því að bringuhárunum mínum hafi fjölgað við þessar fréttir og typpið lengst…
eða ekki…
Ég er dálítið klofinn í þessu máli. Nú mun ég eflaust borða eitthvað af þessari langreið og geri ráð fyrir að kjötið sé lostæti. Á hinn bóginn mun nú byrja allur belgingslegi þjóðrembingurinn um að við séum náttúrubörn sem kunnum að nýta gæði landsins en útlendingarnir séu heimskir borgarbúar sem taki ekki rökum. Svo fer af stað söngurinn um að við eigum rétt á að nýta þessar skepnur og ef við skjótum þær ekki munu grænfriðungar næst banna okkur að veiða ýsu.
Auðvitað er þetta nákvæmlega sama orðræðan og hjá Írönum þegar þeir tala sig upp í að kjarnorkuáætlunin sé á einhvern hátt náttúrulegur réttur þjóðarinnar. Kjarnorkumálaráðherrann í Íran er þeirra Einar K. Guðfinnsson - og ég er viss um að mörg bringuhár spretta og mörg typpi lengjast þegar þeir byrja að auðga úranið.
Hnaut um þessa frétt á RÚV í kvöld. Svo virðist sem spunameistarar lífeyrirssjóðanna séu að reyna að slá ryki í augu fólks - nema að fréttamaðurinn sé rækilega úti á þekju. Í stuttri frétt var í tvígang talað um skerðingu greiðslna til “útivinnandi öryrkja”. Þetta er kolrangt. Hér er ekki sérstaklega verið að krukka í greiðslum til þeirra öryrkja sem útivinnandi eru - heldur öryrkja almennt.
Fjöldi öryrkja sem hefur engar aðrar tekjur en greiðslur frá lífeyrissjóðum og Tryggingastofnun lendir í skerðingum. Kannski lífeyrissjóðirnir líti svo á að þeir teljist útivinnandi sem fái greitt frá TR? Samkvæmt því teldust allir öryrkjar á Íslandi útivinnandi.
Það verður afar áhugavert að fylgjast með því hvort lífeyrissjóðirnir fjórtán muni koma leiðréttingu til fréttastofunnar vegna fréttarinnar, þar sem fram kemur að þeir skerða jafnt hjá vinnandi öryrkjum sem atvinnulausum.
Páll Ásgeir hitti naglann á höfuðið. Hvítárvallabaróninn lærði í Eton, þótt franskur væri. Hann hélt sellótónleika í Reykjavík og ráðlagði sveitunga sínum sem ekki var borgunarmaður fyrir hrossi að skjóta sig í hausinn. Karlinn mátti eiga það að hann var sjálfum sér samkvæmur í þessum efnum og skaut sig þegar hann varð gjaldþrota.
Staðan:
1 stig; Ingibjörg Haraldsdóttir, Nanna Rögnvaldardóttir, Arndís Dúnja, Þórdís Gísladóttir & Páll Ásgeir Ásgeirsson.
Aðrir minna.
Sjötta spurning - af þrettán - kemur ekki inn fyrr en á morgun.
Jæja, hér eru flestir giskarar að festast í bresku fyrirfólki. Mál er að linni.
Önnur vísbending er á þessa leið:
Maðurinn sem um er spurt var ekki breskur. Ráðlegging hans til peningalausra manna var einföld - að stinga upp í sig byssuhlaupi og toga í gikkinn.
Staðan e. 4 umferðir:
1 stig; Ingibjörg Haraldsdóttir, Nanna Rögnvaldardóttir, Arndís Dúnja og Þórdís Gísladóttir.
Aðrir minna.
Hugum þá að fimmtu spurningu. Sem fyrr er spurt um mann.
Maður þessi hlaut m.a. menntun sína í hinum kunna breska drengjaskóla Eton. Hann þótti liðtækur sellóleikari og hélt opinbera tónleika. Maður þessi hafði mjög ákveðnar skoðanir á því hvernig bregðast skyldi við peningaleysi. Kannist þið við kauða?
