Styttur bæjarins

Aulavilla dagsins í Fréttablaðinu er í fylgiblaðinu Allt – um fasteignir. Þar er myndasyrpa frá Hlemmsvæðinu og má meðal annars sjá fína mynd af klyfjahesti Ásmundar Sveinssonar.

Í myndatexta stendur: Vatnsberinn eftir Ásmund Sveinsson var nýlega fluttur á Hlemm.

Stuna!

9 Responses to “Styttur bæjarins”

  1. ÁJ Says:

    Þetta er enn verra því að Klyfjahesturinn er eftir Sigurjón.

  2. Stefán Says:

    Já, úff – þetta var klaufalegt hjá mér. Einkum þar sem ég er mikill áhugamaður um þessa styttu Sigurjóns, sbr. þessa grein mína á Múrnum: http://murinn.is/eldra_b.asp?nr=1124&gerd=Frettir&arg=5

    Ætla samt að stilla mig um að breyta þessu í bloggfærslunni.

  3. ÁJ Says:

    Já, þú hefur ýmsu áorkað í pólitík!

  4. Stefán Says:

    Ég og Kjartan Magnússon vitum upp á hár hvað pólitík gengur út á – að reisa styttur af skáldum (Tómasi Guðmundssyni) og/eða flytja til styttur af búsmala…

  5. simmi Says:

    Ekki breyta færslunni. það er fullt af lúðum einsog mér sem vita ekki að truntan er eftir sigurjón og því stendur eftir hjá okkur að þú sért verulega klár menningarviti sem leiðréttir bull í fjölmiðlum í gríð og erg. Þú ert okkar stoð og “stytta”.

  6. Sigríður Says:

    Er svo hjartanlega sammála þér um að stytta af borgarskáldinu Tómasi Guðmundssyni ætti að vera fyrir löngu komin upp í miðbæ Reykjavíkur. Ætla bara rétt að vona að hún komi ekki seinna en nýja Tónlistarhúsið eða verði kannski staðsett á verðugum stað í því heildar skipulagi sem fylgir þeim byggingarreit.

  7. kolbeinn Says:

    Það er náttúrulega skammarlegt að vinstri öflunum í borginni skuli ekki hafa tekist á tólf árum að koma Vatnsbera Ásmundar á sinn rétta stað – á Lækjartorgið þar sem Thomsenbrunnur var. Það er náttúrulega til háborinnar skammar að íhaldspungarnir í Fegrunarfélagi Reykjavíkur skuli hafi komið þessari fallegu realísku styttu af smælingjanum með föturnar lengst upp í Öskjuhlíð, vegna þess að hún væri svo ljót. Þó ekki væri nema vegna þess er gott að R-listinn er ekki lengur til.

  8. Sigríður Says:

    Það hefur ekki verið hægt að heyra á núverandi borgarstjóra Steinunni Valdísi annað en að það eina sem komi til greina sé að reisa styttur af konum af því að það séu svo fáar styttur af því kyni innan borgarmark-anna. Mér er spurn, hvaða konur koma fyrst upp í hugann sem eru verðugri en Tómas Guðmundsson? Einhver nefndi Vigdísi Finnbogadóttur en ég held að venjan sé sú að gera einungis brjóstmyndir af þeim sem ekki eru horfnir yfir móðuna miklu. Jú, einhver nefndi Bríeti Bjarnsfreðs-dóttur, sá kvenskörungur er líka vissulega verðugur þess að vera veittur slíki sómi en ég fer ekki ofan af því að stytta af borgarskáldinu Tómasi Guðmundssyni ætti að vera komin upp fyrir löngu í miðbænum. Burt séð frá því hvar fólk er statt í pólitík þá er Reykvíkingum öllum sýndur verðugur sómi með því að stytta að borgarskáldinu rísi í miðbænum.

  9. jy Says:

    Uss, meðan Sigurður Pálsson er á ferð um miðbæinn daglega er engin þörf á kyrrstæðu borgarskáldi.