Eyþórsmálið
Nú er ég alveg hættur að botna í þessu Eyþórs Arnalds-máli. Samkvæmt fréttum í dag er Eyþór snúinn aftur sem oddviti hjá íhaldinu í Árborg. Samkvæmt NFS lítur hann á úrslit kosninganna sem traustsyfirlýsingu - það er sem sagt ekki lengur þörf á að bíða eftir að málið gangi sinn gang í dómskerfinu, eins og áður hafði verið talað um.
En nú skil ég ekki - sagði Eyþór Arnalds ekki einmitt af sér oddvitastöðunni fyrir kosningar til þess að kosningarnar snérust EKKI um ölvunarakstursmál Eyþórs. Lagði Eyþór ekki einmitt áherslu á að fólk ætti ekki að refsa flokknum fyrir afbrot hans í kosningunum?
Í ljósi þess, hvernig geta úrslit kosninganna á nokkurn hátt verið traustsyfirlýsing við Eyþór? Það verður ekki bæði sleppt og haldið.
May 28th, 2006 at 22:49
Nei, hann sagði aldrei af sér.
May 28th, 2006 at 22:53
Ok, nákvæmara orðalag hefði verið: “tók sér frí frá oddvitastöðunni” - en hann er sem sagt snúinn aftur úr fríinu.
May 28th, 2006 at 22:55
… Hann dró sig út úr kosningabaráttunni.
“Eyþór Arnalds, efsti maður á lista Sjálfstæðisflokksins í Árborg, segist í yfirlýsingu harma innilega það atvik sem átti sér stað sl. nótt þegar hann var tekinn við ölvunarakstur. Slíkt hafi aldrei hent áður. Hefur Eyþór ákveðið að draga sig úr kosningabaráttunni en muni hann ná kjöri þá ætlar hann að taka sér frí frá störfum sem bæjarfulltrúi í Árborg á komandi kjörtímabili meðan á málinu stendur. Jafnframt ætli hann sér að fara í áfengismeðferð.”
http://www.mbl.is/mm/frettir/innlent/frett.html?nid=1201479
May 28th, 2006 at 23:17
Þetta hefur verið snögg meðferð…
May 29th, 2006 at 00:50
hann hætti við að fara í meðferð, það var víst nóg að “tala við meðferðarfulltrúa”. Skemmtilegast var þó að sjá hann ásamt frúnni í öðru sæti tilkynna þetta í sjónvarpinu, hún drap manninn næstum með augnaráðinu! það verður sennilega fjör í Túborg á næstunni.
May 29th, 2006 at 10:14
Ef maður þekkir Eyþór rétt lifir hann varla pólitískt út kjörtímabilið - eða það mætti svona segja manni það.
May 29th, 2006 at 10:16
Hver tekur þennan mann alvarlega? Sérstaklega eftir að hafa reynt að stinga af eftir ölvunarákeyrsluna. Hver tekur Sigga Kára alvarlega, hann var líka tekinn fullur undir stýri. Svo eru þessir menn að sækjast eftir ábyrgðastöðum, ætla að setja okkur hinum lögin og reglurnar! Einhver talaði um Sigga Kára sem framtíðarráðherra !!! Alltaf hugsa ég um Sigga Kára ölvaðan undir stýri og lítinn krakka hjóla á götu þegar það er viðtal við hann í fjölmiðlum. Aldrei mun ég gleyma að þessir menn óku fullir og sýndu ótrúlegt gáleysi og mega vera heppnir að ekki fór verr. Ég mun aldrei kjósa þessa menn eða flokk þeirra. Vonandi að fólk hugsi sig tvisvar um áður en það gefur þeim atkvæði sitt.
May 29th, 2006 at 13:29
Það væri meira áhyggjuefni ef þú teldir þig botna eitthvað í þessu. Vegir pólitíkusanna eru órannsakanlegir og lúta svo sannarlega ekki neinum venjulegum rökfræði- og skynsemisreglum.
May 29th, 2006 at 22:37
Hann staglaðist enn fremur á því að maður, sem gerði svona, ætti ekki að drekka. Hann hlýtur því að vera hættur að drekka. Eða…
Frábært þegar hann talar um að það hafi aldrei hent áður að hann hafi verið tekinn við ölvunarakstur. Eitthvað sem hann hefur víst stundað, ef marka ber bloggsíðu Orra Harðarsonar. En hann nánast stærir sig af því að hafa aldrei verið tekinn áður og það eigi því að teljast til tekna.
Og þessi líka ótrúlegi manndómur sem hann hefur sýnt með því að axla ábyrgð.
Þetta er eitt sorglegasta/hlægilegasta mál sem ég hef upplifað. Þvílík sóun á sæmilegustu tónlistarhæfileikum.
May 30th, 2006 at 00:08
Eyþór gengur ekki heill til skógar, það sér hver heilvita maður. Það sem veldur mér heilbrotum er hvernig hann getur komið fram núna og ætlað að halda sæti sínu á listanum þegar hann stakk upp á því sjálfur að fólk í Árborg skildi kjósa Sjálfstæðisflokkinn en bara strika hann út af listanum … sem margir gerðu!