Firring
Horfði á kvöldfréttir Sjónvarpsins í gær. Þar var bankastjóri Landsbankans - Sigurjón, þessi sem einu sinni var í Búnaðarbankanum - að segja frá hagnaði fyrirtækisins á einhverju uppgjörstímabili.
Tölurnar voru háar, svo til að setja þær í “skiljanlegra samhengi” tók hann fram hvað það væri hægt að kaupa mörgþúsund fimmmiljónkrónu jeppa fyrir gróðann.
Hversu firrtir mega menn vera til þess að nota fimmmiljónkrónu jeppa sem þægilega viðmiðun í útreikningum?
# # # # # # # # # # # # #
Middlesborough vann ótrúlegan sigur í gær á Stjörnunni. Liðið er komið í úrslit Evrópukeppni félagsliða og gæti alveg farið þar með sigur af hólmi. Það yrði í fyrsta sinn sem lið yrði Evrópumeistari án þess að hafa nokkru sinni unnið titil í heimalandi sínu. Merkilegt.
April 28th, 2006 at 12:17
Það er greinilega búið að leysa kýrverðið af hólmi!
April 30th, 2006 at 16:00
Gaman að setja ofan í þig. Get bara ekki staðið á mér
Boro vann deildarbikarinn fyrir 3-5 árum síðan
April 30th, 2006 at 18:16
Hvernig er þetta Stefán, nú þegar maður les svo til daglega í blöðunum þar sem vitnað er í vefsíðu þína…er enginn möguleiki fyrir þig að fara að krækja í einhvers konar STEF-gjöld fyrir þetta?
April 30th, 2006 at 22:49
Ég man þegar ég las fyrst fjárlögin, það hefur verið árið 1994, þá rak ég augun í einn póst sem hét “beinar greiðslur til sauðfjárbænda” og var um það bil 5 milljarðar. Sams konar póstur og jafn hár hét “beinar greiðslur til kúabænda” og annar eins til mjólkurframleiðslu. Ég legg til að 5 milljarðar verði ný eining, það mætti t.d. kalla hana being, sem stytting á “beingreiðsla”.
Þannig að næst þegar fólk fer að fjargviðrast yfir 100 milljónum til menningarmála á fjárlögum getur maður sagt “iss, þetta er ekki nema núll komma núll tvö being.”
May 2nd, 2006 at 12:12
Hvernig er það, var ekki Toyota Landcruiser mest seldi bíll á Íslandi 2004 og 2005?
Get ekki betur séð en að bankastjórinn hafi valið ágætis viðmið…