Nostradamus og ljós friðar
Í fréttunum í gær var rætt við Yoko Ono og Stefán Jón Hafstein. Listakonan ætlar víst að gefa Íslendingum risastórt ljóstyppi sem á að sprauta friði yfir heimsbyggðina. Sérstaða Íslands sem friðsæls lands mun sömuleiðis gera það að öflugum boðbera friðar - friðarljósið mun sjást frá Íslandi. Jafnframt verður stofnað til sérstakra friðarverðlauna.
Stefán Jón var ekki síður spenntur. Hann telur ljóstyppið verða einkennistákn Reykjavíkur, sem kallast muni á við tónlistarhúsið á hafnarbakkanum. Borgarfulltrúinn minnti á að Nostradamus sjálfur hafi talað um ljóssúlu friðar sem koma myndi frá Íslandi…
…á þessum tímapunkti rifjaðist upp fyrir mér að ég hefði heyrt þetta einhversstaðar áður:
Alþjóðleg friðarverðlaun, friðarljós frá Íslandi, miðstöð friðar í heiminum, spádómar Nostradamusar…
…hér er í raun verið að lýsa þeirri sýn sem Ástþór Magnússon setti fram í kosningabaráttu sinni 1996 og 1994.
Menn hefðu betur sleppt því að gera svona mikið grín af karlinum. Í það minnsta er Stefán Jón Hafstein genginn til liðs við hann.
February 27th, 2006 at 10:06
Hér á að standa 2004 en ekki 1994, er það ekki?
February 27th, 2006 at 10:06
Og hér átti að standa -arinn en ekki -urinn.
February 27th, 2006 at 10:32
Er hér ekki líka kominn fullkominn vettavangur fyrir ykkur herstöðvarandstæðinga til þess að láta stjórnvöld ganga alla leið?
February 27th, 2006 at 11:55
Hnéhnjéhnjé!
February 27th, 2006 at 17:06
Ísland friðsælt land? Pfiff. Yoko fylgist greinilega ekki með fréttum.
February 27th, 2006 at 20:20
Grín AÐ..
February 27th, 2006 at 21:42
Finnst þetta vera í hæsta máta hlægilegt og í raun sorlegt. Ekki nóg með að Yoko Ono sé enn að selja sig á kostnað minngunnar um Lennon. Heldur hræsnin að benda á Ísland sem uppsprettu friðar. Síðan hvenær stuðlaði það að friði að hýsa erlent herlið?
February 27th, 2006 at 23:13
Við skulum bara þakka fyrir að Stefán Jón Hafstein vildi ekki setja ljóstyppið við Elliðaárnar mér og Stefáni Pálssyni til armæðu.
February 28th, 2006 at 02:25
Væri ekki nær lagi að lýsa upp Smáralindina og reisa hana upp á rönd?!