Van de Graaf
Eitt vinsælasta kennslutækið í Rafheimum er Van de Graaf-hraðallinn, en það vekur ætíð mikla kátínu þegar einhver krakkinn er hlaðinn upp uns hárið stendur í allar áttir.
Hraðallinn hefur verið bilaður lengi og hleður nánast ekki neitt. Í haust reyndum við Kjartan að koma honum í lag með því að skipta um reim og þrífa hann hátt og lágt með spritti. Allt kom fyrir ekki og um margra mánaða skeið hefur tækið verið í lamasessi.
Í morgun kom Sverrir Guðmundsson á safnið, en hann verður mér væntanlega innan handar á fimmtudagsmorgnum fram á vor. Við ákváðum að gera aðra atlögu og skrúfuðum í sundur fótinn á vélinni - nokkuð sem ég lagði ekki í á sínum tíma.
Þar kom í ljós að festing hafði losnað og eftir smátilfæringar tókst okkur að láta vélina ganga betur. Hún hleður augljóslega ekki eins vel og í upphafi, en spurningin er hvort þetta dugi ekki fyrir því. Hvorugur okkar Sverris er nægilega hærður til að kanna mætti áhrif viðgerðarinnar. Á morgun komaunglingar úr Snælandsskóla. Vona að það verði einhver lubbi í hópnum. Get varla beðið eftir að sjá hvað gerist!
# # # # # # # # # # # # #
Í gær fór ég í Ríkið og spurðist fyrir um hvernig sérpöntunum væri háttað. Fékk ekki mjög skýr svör.
Í stuttu máli var mér sagt að ef einhver innflytjandi væri með umboð fyrir tiltekna áfengistegund, þá gæti ég látið ÁTVR panta hana frá viðkomandi aðila.
En þá er næsta spurning: Hvernig veit ég hvaða innflytjendur eru með hvaða tegundir? Því er mér vitanlega hvergi haldið til haga. ÁTVR var í það minnsta ekki með neinn lista uppivið með nöfnum innflytjenda og tegundum. Ekki fer ég í gulu síðurnar og hringi í allar heildsölur og spyr út í tegundavalið? - Og varla mega heildsalarnir kynna hvaða umboð þeir séu með - það teldist áfengisauglýsing!
Sá þó með smáleit á netinu í gærkvöldi að Karl K. Karlsson hefur umboð fyrir Macallan og Rolf Johansen er með nokkrar fínar tegundir átappaðar undir merkjum Old Cask. Þetta er gott að vita ef fýkur í önnur skjól.
February 2nd, 2006 at 17:38
er ekki Gula línan með lista yfir umboð? Ætti að duga að hringja þangað og nefna tegund.
Við gerum talsvert af því að sérpanta, það gengur yfirleitt bara mjög vel. Sé einhver vara frá framleiðanda á skrá hjá Vínbúðum geturðu smellt á þá vöru til að fá upplýsingar, þar kemur yfirleitt fram nafn birgis.
February 3rd, 2006 at 09:51
Það er greinilega horft í hverja krónu í Rafheimum og ekki verið að eyða í óþarfa. Einhver innan orkuveitunnar hefði bara keypt nýjan á staðnum.