«
»

Mjóifjörður

Fyrir tveimur árum fórum við Steinunn um Austurland ásamt mömmu og pabba. Einhver eftirminnilegasti hluti þeirrar ferðar var þegar við sigldum ásamt tengdapabba, Helgu og Magneu til Mjóafjarðar. Þar skoðuðum við meðal annars laxeldiskvíarnar í firðinum. Það var glæsileg sjón og útlit fyrir enn frekari uppbyggingu á næstu árum.

Nú er útlit fyrir að draumurinn sé úti. Skýringin er víst sambland af óhagstæðu gengi, háu raforkuverði og einhverjum óskilgreindum “ruðningsáhrifum” – sem þýðir á mannamáli að fyrirtæki sem ekki eru álbræðsla eða þjónustugrein við stóriðjuuppbygginguna fara á hausinn.

# # # # # # # # # # # # #

Luton mætir QPR á eftir. Ég þekki tvo QPR-menn. Það er meira en flestir gera.

Sjálfur fylgist ég ekki með leiknum, hvorki á netinu eða í útvarpinu, því ég þarf að mæta tímanlega í Friðarhúsið til að undirbúa spurningakeppnina sem þar hefst kl. 16. Allir velkomnir.

This entry was posted on Saturday, January 21st, 2006 at 14:34 and is filed under Uncategorized. You can follow any responses to this entry through the RSS 2.0 feed. Both comments and pings are currently closed.

5 Responses to “Mjóifjörður”

  1. stebbikalli Says:
    January 21st, 2006 at 15:26

    Iss það er nú ekkert merkilegt að þekkja bara tvo leikmenn í liði QPR… Ég hefði í raun búist við meiru af þér frændi…
    Til að tvöfalda þína tölu þá vil ég benda á þessa leikmenn
    Kevin Gallen = leikmaður sem menn bjuggust gríðarlega mikið af og þegar QPR lék í efstu deild þá var þessum leikmanni spáð landsliðssæti, hann festist svo bara í QPR.
    Simon Royce = lék m.a. í marki hjá Charlton
    Dean Sturridge = drengurinn var einn sá heitasti í ensku úrvalsdeildinni þegar hann raðaði inn mörkunum fyrir Derby County og var hreint óstöðvandi… ferillinn fór þó hratt í hundana.
    Steve Lomas = Manchester City, West Ham – rauðhærði Írinn sem hætti hreinlega aldrei að berjast og hafði tanngarð sem allir tannlæknar hefðu gefið hönd fyrir að komast í.

    Ég hefði gert ráð fyrir betri árangri hjá þér frændi kær…

  2. BIRD Says:
    January 21st, 2006 at 23:01

    Ég geri ráð fyrir að Stefán eigi við að hann þekki tvo sem styðja QPR og það geri ég líka, þeas þekki tvo slíka – Egil á Esso í Hf og Inga G.
    Ian Holloway stjóri þeirra þykir einn sá orðheppnasti í bransanum í dag, sjá:
    http://en.wikipedia.org/wiki/Ian_Holloway

  3. Ágúst Says:
    January 22nd, 2006 at 00:41

    Fyrst þú ert farinn að slá um þig með hagfræðihugtökum, þá gætirðu allt eins bætt við að það sé allt saman morandi í hollensku veikinni fyrir austan!

    :)

  4. Örn Úlfar Says:
    January 23rd, 2006 at 14:03

    Hæ, hvernig væri að pósta spurningarnar úr friðarpípunni á netinu t.d. undir fridur.is, svo menn geti spreytt sig þótt þeir komist ekki á laugardögum og auka þannig umferð á vefnum í leiðinni.

  5. Úlfur Says:
    January 23rd, 2006 at 20:09

    ég styð þessa tillögu Arnar Úlfars, mér finnst sjálfsagt að senda mínar spurningar inn!