Tvö viðtöl
Það voru tveir viðtalsbútar í sjónvarpsfréttunum í gær sem verulega erfitt var að hlusta á - hvor á sinni stöðinni.
Á Stöð 2 var spilað viðtal við Jónínu Ben sem virtist á barmi taugaáfalls. Hún var ekki í nokkru jafnvægi fyrir símaviðtal og margsagði fréttamanninum að hún gæti ekki svarað spurningum hans núna. Samt var þetta spilað. Ekki vegna þess að það bætti neinu við fréttina heldur bara af miskunarleysi - eða vegna þess að fréttamaðurinn sem líklega var búinn að hafa mikið fyrir að ná í Jónínu tímdi ekki að sleppa því að nota efnið.
Á Sjónvarpinu var frétt um sjóskaða. Skúta með tveimur mönnum lenti í hafvillum. Annar fórst en vinur hans bjargaðist. Fréttamaður tók á móti þyrlunni við Borgarspítalann og lét spurningarnar dynja á manninum. Strax í upphafi viðtalsins sagðist hann ekki vilja segja neitt að svo stöddu máli né treysti sér til þess. Samt var haldið áfram að spyrja. - Ég er viss um að íslenskur sjómaður sem væri nýbúinn að sjá eftir félaga sínum í hafið hefði ekki fengið þessa meðferð.
# # # # # # # # # # # # #
Leitin að næsta Loga heldur áfram hér á síðunni. Hægt er að greiða atkvæði í athugasemdakerfinu eða senda mér tölvupóst. Þessi hafa fengið atkvæði:
Freyr Eyjólfsson 2
Kristján Kristjánsson 1
Ómar Ragnarsson 1
Magga Stína 1
Villi naglbítur 1
Gísli Marteinn 1
Broddi Broddason 1
Snorri Már Skúlason 1
Davíð Þór Jónsson 1
Það eru greinilega skiptar skoðanir hjá þjóðinni, enda um mikið hitamál að ræða. Etv. ætti ég að rukka 99,90 kr. fyrir skeytið?
September 28th, 2005 at 11:52
Páll Magnússon
September 28th, 2005 at 11:58
Liggur ekki beint við að þú færir þig sjálfur yfir í spyrilssætið?
September 28th, 2005 at 12:24
Mér líst best á Davíð af þeim sem hér eru taldir upp. Davíð Þór, sko, til að fyrirbyggja misskilning.
September 28th, 2005 at 13:23
Davíð spurningahöfundur, Stefán sjálfur stjórnandi, það er besta hugmyndin.
September 28th, 2005 at 13:30
Villi Naglbítur eða Freyr Eyjólfs.
September 28th, 2005 at 13:41
Á ekki að leita að næsta Stefáni?
September 28th, 2005 at 14:01
Miklu frekar að reyna fá Davíð Þór sem dómara (þá væntanlega á næsta ári), hann hefur verið að gera frábæra hluti á Grand rokk. Annars lýst mér best á Villa. Væri ekki líka sniðugt að reyna fá Felix frá Skjá einum?
September 28th, 2005 at 14:03
Er ekki Ónefndi maðurinn tilvalinn í verkið?
Hann er svo innvígður og innmúraður að hann myndi aldrei leka spurningum Stefáns í liðin.
September 28th, 2005 at 16:18
Er þetta vel borgað jobb?
September 28th, 2005 at 16:37
Það hafa nú löngum verið uppi raddir um það að það væri þjóðþrifaverk að koma Stefáni Jóni Hafstein úr pólitíkinni og aftur í Gettu betur.
September 28th, 2005 at 17:22
Felix Bergsson væri tilvalinn í djobbið.
September 28th, 2005 at 17:51
Davíð þór og villi naglbítur eru góðir kandídatar í djobbið. Tel þó að Gísli með þáttin Út og Suður yrðu góðir…draumurinn væri þó að fá Hemma Gunn…
September 28th, 2005 at 18:08
Best væri að þessi spurninganördakeppni þar sem fólk rembist við að romsa upp úr sér vita gagnslausri þekkingu í von um fræðg og viðurkenningu á gáfnafari, væri lögð af! Og annað: Þótt fjölmiðlamenn séu oft á tíðum skúnkar og hagi sér eins og þeir kunni ekki almenna kurteisi þá er hægt að segja þeim til varnar í máli Jónínu Ben að það var henni í sjálfsvald sett hvort hún svaraði símanum eður ei - eða hvað? hitt viðtalið er óafsakanlegt.
September 28th, 2005 at 18:09
Ingvi Hrafn!
September 28th, 2005 at 18:26
Þorgeir Ástvaldsson er hinn fullkomni kostur. Þarf eitthvað að ræða það frekar?
September 28th, 2005 at 20:26
Ólafur Sigurðsson! Heyrið þið ekki fyrir ykkur hraðaspurningarnar? Haaa?
nei annars ég hef alltaf saknað Davíðs Þórs, hann aftur!
September 28th, 2005 at 21:32
Ég er sammála þessu með sjómanninn. Þetta voru í hæsta máta undarleg vinnubrögð.
September 28th, 2005 at 22:27
Gísli Einarsson væri líklega ágætur spyrill enda heldur hann uppi innlendri dagskrárgerð í Sjónvarpinu um þessar mundir.
Davíð Þór var góður spyrill og væri örugglega fínn dómari en ég mundi vilja leyfa Önnu Kristínu að spreyta sig fyrst.
Það væri tilraunarinnar virði að fá Ólaf Sigurðsson sem spyril!
September 29th, 2005 at 01:16
Ég stakk upp á Kristjáni í gær, en velti þá ekki fyrir mér Frey Eyjólfssyni. Eftir á að hyggja myndi ég fagna honum sem spyrjanda. Hann er frábær útvarpsmaður og af hverju ekki spyrill líka?
September 29th, 2005 at 01:19
P.s.
Ég átti von á áminningu 20. september vegna hlutar í SHA. Orð mín standa óhögguð.
September 29th, 2005 at 01:41
Ég skal.
September 29th, 2005 at 03:59
Mér líst vel á Frey… veit samt ekki af hverju enginn stingur upp á Óla Palla? Er hann ekki jafn kjörin og Freyr?
September 29th, 2005 at 10:08
Óli Palli á það til að stama, ég væri hrifinn af Frey, Kristjáni eða Sigmari, félaga kristjáns úr Kastljósinu, en eitthvað segir mér að það verði Baldvin Bergsson sem fær starfið, mér finnst eins og það eigi að gera hann að næstu stjörnu hjá Sjónvarpinu.
September 29th, 2005 at 10:20
Þórhallur Gunnarsson, fyrst þeir skiptu á sléttu þá hlýtur hann að fá GB
September 29th, 2005 at 10:57
AF hverju er stungið upp á svona fáum konum hér? Svo er spurning hvort það verði ekki sami spyrill og verið hefur - og Stöð 2 þurfi að leita að dómara.
September 29th, 2005 at 12:54
Er það rétt sem ég er að heyra að þó Logi sé kominn yfir til 365 verði hann samt áfram í Gettu betur? Það var einhver að tala um það í Fréttablaðinu í dag. Annars er ég kominn á þá skoðun að kona eigi að vera spyrill. Þá kemur bara upp sama vandamálið og með stytturnar, hver er sú rétt?
September 30th, 2005 at 00:27
ég held mig við sama, Davíð Þór sem spyril, það er búið að ráða Önnu Kristínu sem dómara, engin ástæða til að breyta því. Hugsa að Helga Vala væri flottur spyrill, og svo að setja einhvern sætan strák sem stigavörð?
September 30th, 2005 at 00:29
hmm, þarna var ég að enda við að stinga upp á tveim mismunandi spyrlum. Og svo verður það trúlega bara Logi áfram…
September 30th, 2005 at 10:13
Tvö nöfn í viðbót: Ilmur Kristjánsdóttir og Valgeir Guðjónsson
October 2nd, 2005 at 00:22
Hey ! Vantar alveg konur á listann hérna…Helga Vala væri fín í þetta ásam fleiri eðalkonum