«
»

Nýr dagur kemur með póstinum…

…söng Bubbi.

Bara rokkstjörnur gætu notað póstinn sem viðmiðun varðandi það hvenær nýr dagur byrjar. Í Norðurmýrinni kemur pósturinn um hádegisbilið. Að þessu sinni var Austurglugginn með í sendingunni. Þar ritar Guðmundur Karl Jónsson sína hundruðustu grein um jarðgangamál. Meira að segja jarðganganördið ég á erfitt með að taka undir ítrustu kröfur hans í þessum efnum. En Mjóafjarðargöng verða að koma fyrr en síðar…

# # # # # # # # # # # # #

Rölti niður í bæ til að póstleggja bréf. Náði í leiðinni í Símaskránna. Mig minnir að við höfum ekki einu sinni haft fyrir að hirða Símaskránna 2004. Notar maður nokkuð pappírsskránna lengur? Er ennþá að finna upplýsingasíðuna um hvað gera skuli í kjarnorkuárás (skríða undir borð og breiða yfir sig dagblað)?

# # # # # # # # # # # # #

Liverpool-menn hreykja sér hátt yfir Evróputitli, sem vonlegt er. Ekki botna ég hins vegar í þessu væli þeirra yfir að “fá ekki að verja titilinn” að ári. Með þessum barlóm eru þeir bara að beina athyglinni að eigin aumingjaskap í deildinni.

Heimsmeistarar Brasilíu þurfa að taka þátt í forkeppni til að komast á HM. Hvers vegna ættu labbakútar frá Liverpool að fá sérmeðhöndlun?

This entry was posted on Thursday, May 26th, 2005 at 12:13 and is filed under Uncategorized. You can follow any responses to this entry through the RSS 2.0 feed. Both comments and pings are currently closed.

11 Responses to “Nýr dagur kemur með póstinum…”

  1. Örn Úlfar Sævarsson Says:
    May 26th, 2005 at 12:33

    Kalda stríðinu lauk árið sem þeir tóku kjarnorkukaflann úr Símaskránni. Hvaða ár var það nákvæmlega? Það gæti verið góð spurning í Gettu betur.

  2. Örn Úlfar Sævarsson Says:
    May 26th, 2005 at 12:34

    Kalda stríðinu lauk árið sem þeir tóku kjarnorkukaflann úr Símaskránni. Hvaða ár var það nákvæmlega? Það gæti verið góð spurning í Gettu betur.

  3. Hallur Says:
    May 26th, 2005 at 13:21

    Já, að heimta að Liverpool fái átómatískt þáttökurétt að ári er svona eins og að heimta að Halldór Ásgrímsson verði í næstu ríkisstjórn bara af því að hann var aðal þar síðast…

  4. Steingrímur Says:
    May 26th, 2005 at 14:43

    Ég styð tillögu Halls; Liverpool fái átómatískan þátttökurétt að ári og að Halldór Ásgrímsson verði í næstu ríkisstjórn. Hallur er maður að mínu skapi.

  5. Þórður Sveinsson Says:
    May 26th, 2005 at 15:57

    Hvílíkt ábyrgðarleysi hjá Símanum! Hvað gerum við þegar kjarnorkusprengjan springur? Deyjum?

    Tja, þau okkar sem rámar eitthvað í leiðbeiningarnar í símaskránni 1991 og árin þar áður náum kannski að bjarga okkur.

    En þið hin „munuð öll deyja!“ eins og Bubbi söng.

  6. buck Says:
    May 26th, 2005 at 17:53

    Frakkar grenjuðu ægilega yfir því að sem ríkjandi heimsmeistarar með atómatískan keppnisrétt á HM 2002 spiluðu þeir ekki alvöruleik í tvö ár. Núverandi fyrirkomulag er nýtt af nálinni á HM en hefur verið við lýði á EM eitthvað lengur. Annars er ég búinn að finna lausnina á þessu máli.

  7. torfi Says:
    May 26th, 2005 at 19:27

    Auðvitað á liverpool að fá að keppa að ári sbr. þegar real madrid varð meistari og lenti í fimmta sæti í Spænsku. Hver vill svo sem sjá littlu naggana frá Everton spila sinn hundleiðinlega varnarbolta.

  8. Ágúst Says:
    May 27th, 2005 at 00:35

    Halldór Ásgrímsson ER með þátttökurétt í næstu ríkisstjórn! Var það allavega um síðustu kosningar. Á Íslandi kýs fólk hvaða flokk það vill sjá í stjórn með Framsóknarflokknum.

    En hvað um það, alveg er nú dæmalaus þessi sjálfstortíming þín í formi jarðagangaæðis, Stefán. Mikið er gott að þú ætlir ekki á þing! Hver þyrfti óvini með Reykjavíkurþingmann sem þig ;)

    Annars má skemmtilega mynd hérna af Mjóafirði: http://www.skip.is/hafnaskra/hofn/133/

    Einsog sést á myndinni væri nauðsynlegt að setja þarna flugvöll líka, með beinu flugi á Fuglafjörð til að flytja hingað inn færeyska sérfræðinga í afdalagöngum.

  9. Aðalsteinn Says:
    May 27th, 2005 at 16:54

    http://www.ismennt.is/not/jonasg/mjoifjordur/

    Hvernig dirfast menn að gera grín að Mjóafirði.

  10. Jakob Says:
    May 28th, 2005 at 18:21

    Blessaðir allir þið ágætu vinstrisinnuðu ofurheilar!

    Er ég aleinn um að sjá mótsögn í því að rölta sér niður í bæ til að póstleggja bréf og sjá um leið í hendi sér að símaskráin sé orðin úrelt?

    Kveðja,

    Jakob

  11. benson Says:
    June 2nd, 2005 at 08:41

    Skil ekki hvernig þú kemst að þeirri niðurstöðu að Liverpool-menn séu að beina athyglinni frá eigin aumingjaskap í deildinni. Get ekki séð annað að þeir séu með þessari kröfu að undirstrika og minna á eigin aumingjaskap í vetur.

    Reyndar ætti Everton að verða dæmt niður um sæti, ef ekki tvö, eingöngu vegna 7-0 taps gegn Arenal. Svoleiðis aumingjaskap hefði maður aldrei séð hjá Evrópumeisturunum!