Tottenham tapaði

Tottenham tapaði í dag. Fyrir vikið eru einungis fjögur lið eftir í ensku deildarkeppninni sem ekki hafa tapað leik það sem af er tímabili. Þau eru:

Arsenal – 7 leikir: 6 sigrar og eitt jafntefli
Chelsea Р7 leikir: 5 sigrar og tv̦ jafntefli
Wigan – 10 leikir: 5 sigrar og fimm jafntefli
Luton – 10 leikir: 9 sigrar og eitt jafntefli

Þessi fjögur knattspyrnulið eru greinilega í sérflokki í Englandi um þessar mundir. Einhverjir kynnu að halda því fram að hlutfall Luton sé best af þessum liðum – ég er þó ekki endilega að kalla okkur besta lið Englands…

Luton-menn vita eiginlega ekkert hvernig á að taka þessari velgengni. Enginn átti von á þessu fyrir tímabilið og allir bíða eftir að ævintýrið taki enda. Eftir stendur að við erum með 28 stig í efsta sæti, tvö næstu lið eru með 19 (Brentford og Hull).

Næsti deildarleikur verður erfiður – úti gegn Tranmere á laugardaginn. Í millitíðinni er skítaleikur í bikarkeppni Sendibílastöðvarinnar Þrastar (LDV-cup) á þriðjudag, úti gegn Swansea.

Held að stuðningsmennirnir hálft í hvoru vonist eftir tapi á þriðjudaginn, út frá rökunum að betra sé að taka út tapleikina í bikarkeppnunum. Þá er LDV-bikarinn súrasta keppni í heimi. Þar spila bara lið úr tveimur neðri deildunum. Eina hamingjan sem henni getur fylgt, er að komast í úrslitaleik á þúsaldarvellinum í Cardiff og fyrir miðjumoðslið að geta glatt sig við eitthvað. Þeir sem eru í toppbaráttu líta hins vegar bara á svona keppnir sem truflun og aukaálag.

* * *

Hearts vann Inverness í Skotlandi. “Efnafræðineminn”, sem svo er nefndur í bloggheimum, mætti í vísindaferð á Minjasafnið í gær. Hann heldur með Hearts eins og ég.

Efnafræðinemar eru skemmtilegir. Þeir eru kurteisari en gerist og gengur með háskólanema. Drekka líka minna.

8 Responses to “Tottenham tapaði”

  1. Nanna Says:

    Þetta er svo vel upp alið.

  2. Þóra systir Says:

    Eru efnafræðinemar ekki líka bara tveir talsins? Voru það amk þegar ég “bjó” í VRII…

  3. Geir Guðjóns Says:

    Ja, ég get allavega talið upp 2. sem er jafn mikið og af verkfræðinemum.

    Hvað varð um alla efnafræðinemana sem voru að brugga hér í denn.

  4. Finnbogi Says:

    Mér þykir nú heimur fara versnandi ef efnafræðinemar eru farnir að drekka minna en aðrir!

  5. Áðurnefndur Efnafræðistúdent Says:

    Það þykja nú fréttir víðs vegar að við drekkum lítið. Við höfum almennt verið skömmuð fyrir dugnað í þessum efnum. Annars erum við að sjálfsögðu fyrirmyndarfólk. Innskot: Efnafræðinemar eru öðru hvoru megin við 70, með lífefnafræðinemum meðtöldum.

  6. Eiríkur Says:

    Eru kannski einhver tengsl milli velgengni Luton og þessa? http://www.mbl.is/mm/frettir/erlent/frett.html?nid=1104295

  7. Þóra systir Says:

    Ætlaði nú ekki að móðga neinn með tölunni tveimur… Gott að heyra að þeim hafi fjölgað eitthvað upp á síðkastið, enda örugglega hið áhugaverðasta nám :)

  8. Finnbogi Says:

    Og þar fór kurteisin…

    http://www.hi.is/nem/hvarf/gallery/view.php?gid=37&phid=15