Um tilgangsleysi allra hluta

Palla Hilmars langar í húðflúr.

Himmi bróðir hans stingur upp á almennri fjársöfnun.

Ég er með betri tillögu. Hvernig væri að stofna almennt hlutafélag um húðflúr fyrir Palla?

Þeir sem vilja taka þátt í stofnun félagsins skrá sig með því að leggja fram hlutafjárloforð. Heildarupphæð hlutafjár verður svo ákveðin, t.d. svona 50.000 krónur (hvað veit ég svo sem um verð á húðflúrum?)

Hluthafar myndu svo fara með atkvæðisrétt á hluthafafundum í hlutfalli við eign sína. - Það væri svo hluthafafundar að ákveða hvernig húðflúrið skuli líta út og hvar á líkamann það skuli fara.

Held að það væri hægt að selja sjónvarpsréttinn af svona dæmi fyrir góðan pening!