online prescription solutions
online discount medstore
pills online
get generic viagra online
get generic viagra online
order viagra online
order generic viagra
buy generic viagra online
order generic viagra
get viagra
order generic viagra
order generic viagra online
buy viagra online
buy generic viagra online
get viagra
order viagra
get viagra online
get viagra online
order generic viagra online
get generic viagra online
buy generic viagra
get viagra online
get generic viagra
order viagra
get generic viagra
get generic viagra
buy viagra online
order viagra online
order viagra
buy viagra
buy viagra
buy viagra
order generic viagra online
buy generic viagra online
buy generic viagra
buy viagra online
buy generic viagra
get viagra
order viagra online

Archive for August, 2004

Ég og Björn Bjarnason

Tuesday, August 24th, 2004

Við Björn eigum það sameiginlegt að gera stundum “tilraunir” með bloggsíður okkar.

- Hann gerir tilraunir með að breyta setningum til að athuga hversu nákvæmlega öfundarmenn hans lesa síðuna.

- Ég kanna stundum hversu vel starfsfólk Textavarpsins fylgist með síðunni minni.

Í morgun, kl. 8:40 setti ég inn færslu þar sem ég kvartaði yfir því að síða 354 í Textavarpinu hefði ekki verið uppfærð.

Voila! Um fjögurleytið hafði þessu verið kippt í liðinn. Þó er ekki nema hálfur sigur unninn, því Colchester er sagt vera með 10 stig, en hið rétta er að Colchester, Hull og Sheffield Wednesday eru öll með 9 stig.

Gaman verður að sjá hversu lengi Textavarpið verður að kippa þessu í liðinn.

Ójá.

…og keisaranum það sem keisarans er

Tuesday, August 24th, 2004

Jæja, þá er fyrsta afborgunarári námslána lokið. Hélt sannast sagna að þetta yrði meiri skellur en raun ber vitni. Eftirstöðvarnar eru ein og hálf milla. Ekki get ég barmað mér mikið yfir því, þekki fólk með fáránlegar námslánaskuldir á bakinu.

Næsta stóra greiðsla er svo af lífeyrissjóðsláninu hans pabba sem ég tók á sínum tíma til að kaupa á Hringbrautinni. Árlegar afborganir eru leiðinlegar. Þótt maður viti mætavel af þeim, flaskar maður alltaf á að leggja nægilega til hliðar fyrir þeim.

* * *

Það er bongóblíða í Elliðaárdalnum. Hef varið stærstum hluta dagsins í að bæsa. Það er gaman að bæsa. Samt skuggalegt að hugsa út í að lítrinn af bæsi kostar næstum eins og líter af viský.

Stefni að því að halda áfram að vera handlaginn heimilisfaðir í kvöld. Nú verður gerð önnur atlaga að því að pússa upp dyrakarma og gluggakistur. Það verður ekki fallegt.

Samsæri

Tuesday, August 24th, 2004

Colchester-stuðningsmennirnir leynast víða! Eða hvernig má annars skýra textavarp RÚV, sem birtir stöðuna í ensku 1.deildinni (sem þar er raunar kölluð 2. deild)?

Af einhverjum annarlegum hvötum kýs stjórnandi Textavarpsins að birta vítsvitandi RANGA stöðu í deildinni og mætti halda að Luton hafi bara leikið tvo leiki en ekki fjóra og að liðið sé með sex stig en ekki tólf.

Þetta er ekkert minna en samsæri og svívirða við greiðendur afnotagjaldanna.

* * *

Og talandi um samsæri – af hverju tapa KR-ingar alltaf, alltaf, alltaf þegar ég vona að þeir vinni? KR-ingar áttu tækifæri á að leggja sitt af mörkum til að senda niður Grindavík – lið sem veldur þeim sífelldum vandræðum, en klúðruðu því. Þetta er nóg til að gera hvern mann gráhærðan.

* * *

Mætti í ÓL-spjall hjá Loga Bergmann í gærkvöld. Held að þátturinn hafi bara verið ágætlega skemmtilegur. Það hefði þó vissulega mátt hugsa sér skemmtilegri kringumstæður, þar sem Íslendingar eru allir sársvekktir með árangurinn á leikunum til þessa.

Hvað heldur fólk með stangarstökkið í kvöld? Ég giska á 10-11 sæti.

Skoltar

Monday, August 23rd, 2004

Tímaritið Birta fjallaði um helgina um stuðningsmenn íslensku liðanna í karlafótboltanum. Þar á meðal var rætt við besta og frægasta bloggarann.

Í stuttri grein tókst að koma inn einni ljótri villu – afi var rangfeðraður, sagður Stefánsson en ekki Steinþórsson.

Þá skrifaði blaðamaðurinn palladóma um stuðningsmenn og sagði FRAMara mæta illa á leiki og vera leiðinlega. Það eru kaldar kveðjur. Vissulega eru áhorfendurnir með færra móti síðustu árin, en miðað við stöðu í deildinni er hún alls ekki svo slæm og betri en hjá mörgum öðrum. Svo verða FRAMarar seint taldir leiðinlegir – vissulega hljóðlátir, en það er allt annað mál.

* * *

Fyrsti pistill minn í DV um fótbolta birtist í morgun. Umbrotsmaðurinn skellti millifyrirsögn inn í meginmál og bjó þannig til óskiljanlega setningu. Það er nákvæmlega það sama og gerðist síðast þegar ég sendi grein í Moggann. Hvernig er best að auðkenna millifyrirsagnir í word-skjölum til að hindra umbrotsmenn í þessu?

* * *

Sá Mínus á menningarnótt í garðinum á Dillon. Sat svo fram eftir nóttu og sötraði bjór ásamt Páli sem þá var að skríða saman eftir hálfmaraþon. Að lokum tókst þó nýju rekstraraðilunum að flæma okkur út. Hvaða snillingur skyldi hafa ráðlagt þeim að blasta reif-tónlist uns ekki heyrist mannsins mál. Enduðum á að hrökklast inn á Langa bar – en þá hafði Ármann Jakobsson bæst í hópinn.

* * *

Dreif Steinunni með á undanúrslitaleikinn í fimmta flokki karla. FRAMstrákarnir töpuðu naumlega fyrir sterku FH-liði. Gaman að sjá að FRAMararnir eigi ennþá góða yngri flokka.

* * *

Vídeógláp í gærkvöldi. Leigðum Engla með járnskolta, sem er prýðileg mynd um Alice Paul, baráttukonu fyrir kosningarétti kvenna í Bandaríkjunum á árum fyrri heimsstyrjaldarinnar.

Bandarísku súffragetturnar börðust ekki síður af hörku en þær bresku. Þeim var varpað í fangelsi, neitað um stöðu pólitískra fanga og þvingaðar til að innbyrða mat í hungurverkföllum.

Að lokum skilaði barátta þeirra árangri og Wilson forseti bar upp frumvarp um atkvæðisrétt kvenna. Eins og gerist svo oft þegar róttækar baráttuhreyfingar ná markmiðum sínum, þá hafa margir reynt að endurskrifa söguna á þann hátt að niðurstaðan hafi í raun verið ótengd þeirri baráttu sem á undan fór – að “konurnar hefðu á endanum fengið kosningaréttinn – óháð baráttu þeirra”. Það er vitaskuld þvæla.

Wilson Bandaríkjaforseti er vissulega einn af markverðari forsetum BNA, en hann var þó duglegri við að prédika yfir öðrum þjóðum um frelsi og mannréttindi en að taka til í eigin ranni.

Ég hef ekki lesið mikið um sögu bandarísku kvenfrelsisbaráttunnar, en hún er stórmerkileg. Sérstaklega óttinn við rauða byltingu á árunum eftir fyrra stríð. Það er ótrúlegt hversu hræddir bandarískir ráðamenn voru við kommúnista, anarkista og feminista á þessum tíma.

Andsk*****

Saturday, August 21st, 2004

Leikurinn fyrir norðan varð eiginlega að vinnast, en ekki gekk það eftir. Af hverju þarf þetta alltaf að vera svona erfitt hjá okkur, ár eftir ár?

Verst er að Grindvíkingarnir eiga alltaf eftir að vinna á morgun. Þeir eru nefnilega að leika gegn KR-ingum og KR tapar ALLTAF þegar ég vona að þeir vinni. Það er ekki einleikið hversu fyrirmunað KR-ingum er að landa úrslitum sem eru mér að skapi.

Við það bætist að næsti leikur okkar er heima gegn KR og í þeim leikjum er gengi okkar vægast sagt herfilegt. Virðist þar engu skipta hvort KR-ingarnir eru sterkir eða slakir.

KA-menn mega heita fallnir og hafa ekki skorað í óratíma. Ekki er það nein huggun.

Helvítis helvíti…

Efstir

Saturday, August 21st, 2004

Leiknum gegn Torquay er lokið. 1:0 fyrir Luton. Ekki stórsigurinn sem sumir stuðningsmenn vonuðust eftir, en leikir gegn slöku liðunum hafa einmitt oft vafist fyrir okkur í gegnum tíðina.

Colchester tapaði og fyrir vikið er Luton eitt á toppnum með tólf stig úr fjórum leikjum. Það er félagsmet sem fyrr segir. Spurning hvaða innistæða sé fyrir þessari velgengni, en gaman meðan það varir.

Hearts vann 3:0 og virðist ætla að treysta stöðu sína sem þriðji besti klúbbur Skotlands.

Allt í járnum á Akureyri. Ég þyrfti helst að bryðja róandi… Fokk, fokk, fokk – ef við töpum þá erum við í SVOOOO vondum málum…

Þandar taugar

Saturday, August 21st, 2004

Úff. Leikur FRAM og KA er að hefjast. Rikki Daða meiddur. Ómar á bekknum. Þessi leikur má ekki tapast. Maginn er í hnút.

Hálfleikur hjá Luton og Torquay. Við erum 1:0 yfir. Steve Howard með markið. Hann er yfirburðasóknarmaður í þessari deild.

Ef við vinnum, verður það í fyrsta skipti í sögu Luton að liðið vinnur sigur í fyrstu fjórum deildarleikjum sínum. Fimm sinnum hefur það gerst að liðið vinni fyrstu þrjá leiki. Þetta er efnilegt.

* * *

Hér var japanskur gestur á safninu. Hann reyndist vera vetnisgúrú sem er að kynna sér orkumál Íslendinga og hefur greinilega skítnóga peninga. Eftir að hann var búinn að skoða safnið í lengri tíma og ræða fram og aftur við mig, kvaddi hann og trítlaði út í leigubílinn sem beðið hafði eftir honum í á annan klukkutíma með mælinn í gangi.

Jamm.

Tónleikarnir

Saturday, August 21st, 2004

Lou Reed var flottur í gær. Ef ég væri fimmtán myndi ég eflaust leggjast í heróín og ólifnað í tuttugu ár, til þess að geta risið til lífsins þrjátíu árum síðar og étið salat í öll mál. – Eða ekki…

Það var gaman á tónleikunum og Reed virtist skemmta sér vel sjálfur. Hann hefði alveg mátt taka meira að nýja efninu sínu, t.d. af þessari Hrafns-plötu.

Uppklappsstrategían hjá karlinum var samt frekar slöpp. Það er alltof fyrirsjáanlegt þegar menn skilja eftir alla helstu hittarana. Allir í salnum sáu í gegnum það að Reed var búinn að ákveða fyrirfram að láta klappa sig upp tvisvar.

Pixies gerðu þetta miklu betur. Þau kláruðu frægustu lögin snemma á tónleikunum og enduðu á minna þekktum lögum. Svo er líka gott trix að kveikja ljósin í salnum meðan á uppklappi stendur. Einhvernveginn er miklu skemmtilegra fyrir áhorfendur að geta talið sér trú um að tónlistarmennirnir hafi í raun og veru verið sannfærðir um að bæta við lögum…

Jamm.

Bíllinn sleppur

Friday, August 20th, 2004

Jæja, eftir úrslit morgunsins er ljóst að Volvoinn sleppur við tiltekt. Þó ætla ég að endurnýja heitið á þá leið að ef Ísland sleppur einhvern veginn áfram í fjórðungsúrslit verður ráðist í tiltekt. Þetta er ljóta sportið.

Þá er bara að setja sig í gírinn fyrir KA-leikinn á morgun og Torquay-leikinn hjá Luton.

* * *

Lou Reed í kvöld. Það er gaman. Vona samt að karlinn haldi sig frá þessum Edgar Allan Poe-lögum sínum. Held að maður þyrfti að hafa lesið Poe til að hafa gaman af þeim.

* * *

Doktor Gunni fjallar um ársafmæli Skonrokks. Það er stöð sem fínt er að hlusta á í bílnum, en mikið óskaplega er lagaúrvalið fátæklegt.

Hvernig stendur til dæmis á því að eina Smiths-lagið sem þar fær að heyrast er “Panic”? Eru virkilega breiðurnar af fólki þarna úti sem finnst Panic æðislegt lag og fær aldrei nóg af því, en sem þolir ekki neitt annað sem Smiths hafa sent frá sér?

Doktorinn hefur skotið Öxnadalsheiði og Grænum frostpinnum inn á play-listann, en hvar er t.d. Heimavistin helvíti? Má ekki ætla að fólk sem fílar hin tvö lögin myndi líka hlusta á smá af Bless?

Og hvaða Clash-aðdáandi myndi telja “Bank Robber” eitt af þremur bestu lögum Clash? Er þetta ekki allt spilað af tölvu? Skiptir í raun nokkru máli þótt lagalistinn væri tvöfaldaður? Svínarí er þetta!

* * *

Haukur hagnaður linkar á þessa frétt – þetta hlýtur að vera brandari… Eða hvað?

Stórir dvergar

Thursday, August 19th, 2004

Hver er stærsti dvergur í heimi – og hver er minnsti risinn? Flestir hafa skemmt sér við rökfræðilegar þversagnir af þessu tagi.

Til skamms tíma hélt ég að bonsai-tré væru samkvæmt skilgreiningu dvergvaxin tré. Núna upplýsir Mogginn hins vegar að hægt sé að skoða stærsta bonsai-tré landsins. Hvenær hættir dvergtré að vera dvergtré og verður – tja, bara tré?

* * *

Komið heim úr Búðardalsferð um hádegisbilið. Meðal áhugaverðustu þátta ferðalagsins var ferð um Barðaströndina og sigling með Baldri yfir Breiðafjörð. Gengum í áttina að Sjöundá. Þangað hafði ég ekki komið áður, en Sjöundá hefur þó lengi verið mér kær.

* * *

Í kvöld verður étið skyr og hesthúsað aðalbláberjum. Sjálfur er ég þó meiri krækiberjakarl. Best er að blanda skyri og krækiberjum til helminga þannig að skyrið standi sjálft. Namm, krækiber!

* * *

Í tengslum við íþróttakeppnir helgarinnar hef ég ákveðið að hefja miklar heitstrengingar. Ef íslenska landsliðið vinnur Suður-Kóreumenn í fyrramálið mun ég taka til í bílnum mínum og skola af honum skítinn.

Ef FRAMarar vinna KA-menn fyrir norðan á laugardag mun ég taka til á skrifstofunni minni.

Þeir sem séð hafa bílinn minn eða skrifstofuna vita að þetta eru ekki litlar yfirlýsingar!

Jamm.