«
»

Orð í eyra

Tíhí. – Besti bloggarinn fær aldeilis orð í eyra í Morgunblaðinu í dag.

Ragnheiður Kolka er hin gramasta yfir að fréttastofur landsins hafi sagt frá mótmælum á ársafmæli Íraksstríðsins og þá einkum og sér í lagi að ég skuli hafa verið í tveimur viðtölum á Rás 2 um helgina – og raunar líka verið hjá Ævari Kjartanssyni á Rás 1 (þótt það komi ekki alveg skýrt fram hvernig viðtal Ævars og Jóns Ólafssonar við mig um þróun sjálfsmyndar og valdabaráttu íslenskra verkfræðinga á þriðja og fjórða áratugnum geti talist samsæri kommúnista.)

Þegar stuðningsmenn stríðsins skrifa í blöðin til að kvarta yfir að rætt sé við mann, þá hlýtur maður að vera að gera eitthvað rétt – ekki satt?

This entry was posted on Friday, March 26th, 2004 at 11:07 and is filed under Uncategorized. You can follow any responses to this entry through the RSS 2.0 feed. Both comments and pings are currently closed.

5 Responses to “Orð í eyra”

  1. Sverrir Says:
    March 26th, 2004 at 11:18

    Jamm, sama Ragnheiður reyndi fyrir jól að kenna háskólamönnum hvernig ætti að vitna til heimilda. Auðvitað vissi hún það miklu betur en þeir. Bara kommúnistar vitna til heimilda nú á dögum.

  2. Stefán Bogi Says:
    March 26th, 2004 at 11:53

    Heill sé þér, leiðtogi kommúnísta hérlendis. Það verða bráðum prentaðir “Che-bolir” með mynd af þér. Þetta er reyndar hugmynd sem hægt væri að græða á?!?! En þú mátt nú eiga það að þú ert heilbrigðari frontur fyrir þessi mótmæli en Pétur á Akureyri. Með fullri virðingu þá hef ég aldrei lesið annan eins ræðuóskapnað á ævinni.

  3. Steinunn Þóra Says:
    March 26th, 2004 at 15:53

    Ég stal Mogganum hennar Sonju (og skilaði honum svo auðvitað aftur) til að lesa þetta. Þetta var alveg bráðfyndið. Það þarf greinilega ekki mikið til að láta íhaldskonur fara úr límingunum. Þú ættir kannski að íhuga að senda konugreyinu blóm…

  4. Ingibjörg Says:
    March 26th, 2004 at 17:34

    Konan veit greinilega ekki hvað þú heitir því hún vísar alltaf til þín sem “herstöðvandstæðingsins” (og hún vonar augljóslega að þú sért sá eini af því tagi). Ég hugsa að Árni Hjartarson fyrrum formaður Samtaka herstöðvaandstæðinga sé frekar sár yfir því að þú sért nú búinn að taka yfir titilinn. Hersinnar töluðu á sínum tíma alltaf um hann sem “herstöðvaandstæðinginn”.

  5. Hreinn Hjartahlýr Says:
    March 26th, 2004 at 22:31

    Aðgát í nærveru sálar. Ragnheiði líður ekki vel. Leyfið henni að blása. Annars gæti hún sprungið.