Ragnar nokkur Halldórsson fer mikinn í athugasemdakerfum intravefjarins í tengslum við konur og femínisma.
Ég er búin að gefa honum tvö pláss á karlarsemhatakonur.tumblr.com – sjá hér og hér – en þessa gullmola sem hann skildi eftir sig á dv.is í dag bara verð ég að leyfa að fá smá pláss á Kaninkunni líka:
Líka mætti skoða launamun kynjanna í heildrænu ljósi, t.d. að karlar neyðast oft til þess í “desperasjón” að fá há laun, því þeir eru svo oft borgendur, engar konur vilja þá ef þeir eiga ekki pening, sjálfsmynd þeirra byggir að mestu leyti á starfinu sem þeir gegna. Svo þeir eru “desperat” í að fá góð laun. Á meðan konur hafa marga aðra og fjölbreyttari möguleika til þess að styrkja sjálfsímynd sína. Flestum körlum er sama þótt konan þeirra þéni lítið, og mæla hana alls ekki út frá tekju. Konur geta hætt á vinnumarkaði, þegar þær eignast börn, án þess að neinn geri við það athugasemd, á meðan karlar geta aldrei hætt, nema vegna aldurs, ríkidæmis og örorku. Og að 80 % af ráðstöfunartekjum heimilanna (þ.e. kvenna og karla í sameiningu) er ráðstafað af konum.
Einnig mætti skoða launamun kynjanna á nýjan hátt, þ.e út frá vinnutíma (margir karlar vinna miklu fleiri vinnustundir en margar konur). Og líka út frá hæfileikum og árangri. Því hvað þýðir: Sömu laun fyrir sömu vinnu? Þetta þarf að skilgreina betur. Er sama vinna, sami árangur? Er sama vinna sömu hæfileikar? Er sama vinna jafnlangur vinnutími? Eða er sama vinna bara starfsheitið? O.s.frv.
Friday, March 23rd, 2012, 3:01 pm | 
Uncategorized | 
RSS feed
| 
Respond | 
Trackback
23/03/2012 at 3:28 pm
Ég setti eftirfarandi á umræðuhala á fésið en mundi svo að þú ert með opið fyrir komment hér Hildur: Þetta minnir mig á viðtal sem ég heyrði í ameríska útvarpinu í síðustu viku við rithöfund sem var að gefa út bók um konur á vinnumarkaði í BNA og hún var að segja að karlar í BNA velji sér einmitt frekar konur sem skaffa vel, sem er breyting frá því sem áður var. Nú ef ég myndi bara muna hvaða kona þetta var og hvað bókin hét…
23/03/2012 at 4:11 pm
Nú varð ég orðlaus sem skeður ekki oft. Í hvaða heimi lifir þessi “snillingur”?
23/03/2012 at 5:37 pm
Þessir karlmenn sem neyðast til þess að fá hærri laun eru nú meiri fórnarlömbin í þessu öllu, svona í heildrænu ljósi. Gott að Ragnar gat komið þessu á hreint.
Ætli hann sé einn af þeim sem hefur neyðst til að fá há laun og byggir alla sjálfsmynd sína á því?
27/03/2012 at 5:20 pm
Þetta er hans sýn á þjóðfélagið, óvísindalegt og persónulegt. Ef það er sett þannig fram að þá er ekkert að þessu. Það má ávíta hann fyrir illa ígrunduð ummæli, varla mikið meira. Afhverju er það sjálfsagt að einhver kvenfyrirlitning búi að baki?
28/03/2012 at 10:21 pm
Það er augljóst þegar maður les athugasemdir mannsins almennt. Hér er tilvitnun:
„Ég veit alveg hvað nei þýðir. En ég veit líka að sumar konur vita ekkert hvað þær vilja. Eina mínútu vilja þær A, og eftir tvær mínútur vilja þær B. Og síðan jafnvel C, fimm mínútum síðar. Ég bjó það ekkert til. Svona eru sumar konur eifaldlega. Og ef ég eða aðrir eiga samskipti við þær, þá er ekki nema von að maður ruglist í ríminu. Hverjum er það að kenna? Þeim.“
28/03/2012 at 10:22 pm
Meira:
„Konur almennt eru ekki heldur hálfguðir.
Sem allir eiga að leggjast á hné fyrir og dásama, hvort sem þær muldra
orðið nei, eða segja það hátt og skýrt.”“
29/03/2012 at 11:02 am
Það er í fínu lagi að fordæma skrif hans, þau eru líka frekar heimskuleg og hljóma eins og hugsanagangur óþroskaðs unglings sem er að reyna að skilja stelpur, Það er hægt að segja að það sé ákveðin kvenfyrirlitning í skrifum hans. En mér finnst það annað mál að kalla manninn sjálfann “karl sem hatar konur”. Það er persónulegt. En við vitum ekkert meira um hann nema þessi skrif hans. Kannski passar titillinn, kannski ekki.
Mér finnst líka leiðinlegt að blanda saman “wise-ass’es” og raunverulegum ofbeldismönnum. En með samblönduninni að þá er í raun verið að minnka alvarleika afbrota alvöru ofbeldismanna og hækka verulega alvarleika heimskulegra ummæla á netinu.
Ég er “glass is halffull” þegar kemur að þessum málum, ég held að fólk sé almennt miklu meira umhugað um jafnrétti í raun en það sem skrif þeirra benda til. En kannski er ég bara privileged denying dude =)
27/03/2012 at 11:58 pm
Hvað þýðir sama vinna? Ég var að vinna eitt skipti með konum sem voru að vinna með okkur í byggingarvinnu, fengu sömu laun býst ég við enda þótt ég viti það ekki með vissu. Sá var galli á gjöf Njarðar að ,,þau gerðu bara ekki neitt”… þá meina ég að við unnum og þær einhvernmeginn komust upp með að setjast niður í grasið og gera ekki handtak allan daginn… þau vinna í sömu vinnu en er þetta sama vinnan? Skiptir árangur engu máli? Lengi vel var okkur hinum svosem alveg sama, var ekki okkar að vera skipa þeim fyrir. En svo kom ákveðið bónuskerfi sem ég veit ekki hvort sé ennþá við líði.. fékkst ákveðinn fjárhæð á mánuði miðað við magnið sem gert var á tilteknum flöt, fm eða þannig sem dreifðist síðan jafnt á okkur alla. Þá var maður vel orðinn pirraður því auðvitað nutu þau góðs af þessu líka sem gerðu ekki neitt.
Það eru tvær hliðar á öllum peningi. Ef maður lítur bara á aðra hliðina vantar heildarsamhengið.
Annars er kominn líka svona síða hinum meginn frá:
http://konursemhatakarla.tumblr.com/
Gaman að skoða bæði, konur eru engu betri en karlar þegar kemur að þessu.
28/03/2012 at 7:53 am
Snorri, þín persónulega reynsla segir voða lítið, það er þetta óvísindalega sem ég ásaka Ragnar um. Alveg eins og reynsla einhvers segir ekkert um hvort það sé að renna hlýindaskeið á jörðinni að sama skapi segir reynsla þín ekkert um hvernig konur hafa það í heildina.
Það er reyndar aðeins meiri munur á forarkjafti karla og kvenna. Karlar eru almennt orðljótari, sem ég er ekkert hissa á.
Hef skoðað báðar síður og karlarsemhatakonur er töluvert fyndnari.
11/04/2012 at 1:01 pm
Hver er þessi Einar sem á ekki börnin?
11/04/2012 at 1:11 pm
Einar ákvað að vilja frekar birtast á knúz.is – hann er í endurvinnslu um þessar mundir. BÍÐIÐ SPENNT! ÞETTA VERÐUR B-O-B-A. Nei, djók.