Hádegi í leðurpilsi út í móa í New York

by Hildur

Nóg að gera á Mogga. Rétt áðan rifjaðist upp fyrir mér hvernig lyktin af New York er. Sem er auðvitað fáránlegt af því mig rekur ekki minni til þess að það sé sérstök lykt af New York. En áðan mundi ég hana samt. Fann hana eitt augnablik án þess að finna hana í alvöru og ekki fyrr en rétt á eftir áttaði ég mig á því að þetta væri New York lykt. Og nokkrum sekúndum síðar gat ég ómögulega munað hvernig lykt þetta var. En mig minnir að hún hafi verið sæt. Mig langar að komast aftur þangað fyrir jól. Þarf að kanna málið. Mig langar að taka Sævar með. Einhverntímann stóð til að við færum í október, það var svo bara einhvernveginn ekki rætt frekar. Jamm og já.

Annars hlakka ég til að gráta virkjanatárum í myrkrinu í kvöld. Þótt ég eigi vissulega að vera að gera eitthvað allt annað, hmmm ha Jóhannes Gísli og ‘unna’ og allt það. Sagan endalausa.

Já og ég fann leðurpilsið. Nú vantar bara sokkabönd og skammbyssu. Einhver? Plíííís! Ég á svona þrjúhundruð kall. Svo að ég get ekki keypt neitt. Fyrir utan að frá og með fyrramáli verð ég að vinna þangað til ég fer í partí eitt og um leið og ég verð búin að sofa það úr mér, mæti ég aftur í vinnu hvar ég verð fram að partíi 2 -sem er Bondpartí. HJÁLP! Já. Yfir og út.

P.s. Ef einhver er til í að kenna starfsfólki á fasteignasölum landsins að nota greinarmerki, bil, hástafi og skammstafanir fær sá hinn sami/sú hin sama sogblett frá mér sem þakklætisvott.

Share on Google+Tweet about this on TwitterShare on TumblrPin on PinterestShare on FacebookShare on LinkedInShare on StumbleUponShare on RedditEmail this to someone

No Comments to “Hádegi í leðurpilsi út í móa í New York”

  1. Ég á örugglega ekki sokkabönd, en ég gæti hugsanlega, rétt mögulega, átt skammbyssu sem er úr plasti og heitir því ágæta nafni ‘Bond-007′.
    En hvort ég finni hana á þessum tíma er spurning. Gæti reynt?

  2. REYNDU!

  3. Ég á e-ð af sokkabandabeltum og tilheyrandi dóti sem þér er frjálst að fá lánað ef það hentar.

  4. Hvort það hentar mín kæra. Við þurfum greinilega að tala betur saman.

  5. Það er sérstök lykt af New York. Ég var þar 2002 og svo aftur í maí á þessu ári og tók sérstaklega eftir þessu. Mjög meðvitað, ég ætlaði að athuga hvort að ég fyndi þessa lykt aftur þegar ég kæmi þangað, og já, hún er svo sannarlega til staðar.

    Oh New York, hvað ég sakna hennar. Sem og allra vina minna sem að þar búa. Eigum við að skella okkur? Vísa skvísa hlýtur að fleyta okkur hálfa leið eða svo?

  6. Já! Förum! Hver ert þú annars?

  7. AAAAAH! Linda! Offkors! Djöfull getur maður verið vitlaus.

  8. *koss* Þú ert krútt.

Leave a Reply