Quattro - Mía litla og oktopússí

er einmitt núna í þessu að leika skrifstofu mær á skrifstofu sem er bissí að vinna á tölvu, búin að skrifa heilu rmetrana af hnæasdhgd jfa hgæjsr vwcmoiqor og datt því í hug að blogga. verð hætta núna

Hef beitt sjálfa mig miklu útstáelsi og litlum svefni. Afleiðing: Aukin gigt og hugleiðingarkvótinn ekki uppfylltur. Blekki sjálfa mig með því að gangandi hugleiðsla teljist með.

Þyl möntruna :Om mani pedhme humm á göngu. Hún er svo afslappandi að heilavirknin verður lítil og t.d. ekki hægt að kyrja þegar maður keyrir. Tveir ljósasataurar hafa líka orðið fyrir barðinu á mér við slíka gönguiðju, birtust bara svona allt í einu (klonk).

En á morgun þá tekst ég á við sviðskrekkinn því þá fæ ég að taka þátt í grínþættinum Stelpunum. Þar mun ég efalaust leika einhvern hrekklausan sem verður fyrir barðinu á gríninu. En nú er komið að minni einnar mínútu ógleymanlegu fjölmiðlaframkomu. Kannski verð ég klippt út?

Var aukaleikari í Allt á hreinu á seinustu öld. Með gaumgæfilegri athugun má sjá glitta í mig í bakgrunninum í 25 sekúndur. Spurning hvort mér tekst að toppa það núna. Sérstaklega í ljósi þess að ég á að vera ,,pen” skrifstofumær. Að vera pen er ekki alveg í karakternum svo þetta mun krefjast mikilla leikhæfileika.

Eins og allir reykvíkingar hafa reynt á eigin skinni undanfarna daga hefur ríkt óeðlilegt veðurfar  í Reykjavík. Veðurstillur hafa verið slíkar að meirihluti borgarbúa neyddist til að íklæðast té-skyrtum (stuttermabolum). Margar þessara flíka eru myndskreyttar á ýmsa vegu og fjöldi íslendinga gengur um með hástemmdar yfirlýsingar framan á sér. Þær sem eru mér eftirminnilegastar eru: Guns do not kill, men with moustaches do (Hormottu-rasismi eða hvað?) og Dolhins are really gay sharks ( allir hvala-elskendur fella tár yfir þessari, ekki satt?)

Á stöð 2 í 60 Minutes þá var verið að bera saman A og B týpur. Mér fannst þessi frasi góður: A persons file
but B types pile.

En getur maður verið B týpa heima og A týpa í vinnunni?