Quattro - Mía litla og oktopússí

Ákvað að taka jólahreingerninguna með trompi og bóna stofuna. Afleiðingin er að ég er með hálfbónað gólf og flest húsgögnin voru flutt búferlaflutningum í önnur herbergi. Það sem manni dettur stundum í hug!.

Vinkona sem kom í heimsókn í gær sagði mér að heimili mitt hlyti að vera hinn frægi buskur sem hlutir hyrfu út í. Vildi gjarna að eitthvað af þessu dóti sem er komið út um allt við tiltektina fari til síns heima hvort sem það er buskurinn, út í bláinn eða where the sun doesn’t shine. Hef það grun um að það fjölgi sér á nóttunni.

Dagsverkið hefur einkennst af ofnæmiskasti (annað hvort bónið eða rykið sem ég fór að hreyfa við). Myndlistagjörningi fyrir SHA og svefnpásum. Nú er það bað, borða og vinna í kvöld.

Á morgun er það friðargangan og svo um kvöldið að græja öllu á sinn stað á meðan ég hlusta á Þórláksmessu-tónleikana hans Bubba. Kannski flytur buskurinn þá eitthvað annað.

Heyrt í Nóatúni um daginn hjá ávöxtunum.

Tveir stúlkur á tali á aldrinum 10-12 ára:,, Er mamma þín komin með nýjan kall?”
Hin ansar: ,, Já, en þessi er ekki svo slæmur, býr bara heima hjá sér, þú veist þau eru í svona..uhm..(klór í höfði) fjarbúðing.” Við þessu var bara kinkað kolli og þær hættu að kreista mandarínurnar og hurfu innar í búðina.

Hygmyndin um að vera í fjarbúðing vekur upp með mér ýmsar hugmyndir… en væri til í að prófa svoleiðis (að ég held hm… )

Dagurinn afturgengislegur með afbriðgðum. Sit hér og bíð eftir sófa og sófaborði sem átti að afhendast milli 18.00 og 22.00. Og viti menn er að horfa á Casper afturgöngu og vondu glæponafrændur hans að bráðna undan jákvæðni jólabrjálaðrar fjölskyldu. Spurning hvort þetta kemst að netið, samband við kaninku.net verið með afbriðgðum af sér gengið seinustu mánuði.

Þegar allt gengur á afturfótunum er maður þá kannski einskonar afturganga…